web counter
LEXO PA REKLAMA!

SHKARKO APP

App Store
Google Play

Pas takimit me Belerin/ Ministri grek i Mbrojtjes, ultimatum Shqipërisë: Lejoni menjëherë betimin

15 Shtator 2023, 19:15, Politikë CNA

Pas takimit me Belerin/ Ministri grek i Mbrojtjes, ultimatum

Ministri grek i Mbrojtjes së Qytetarit, Yiannis Oikonomou vizitoi paraditen e kësaj të premteje kryebashkiakun e zgjedhur të Himarës, Fredi Belerin, i cili ndodhet pas hekurave në paraburgimin e Durrësit nën akuzën për korrupsion në zgjedhje.

Me anë të një postimi në rrjetet sociale, Yiannis Oikonomou zbulon detaje nga takimi.

Ministri i Mbrojtjes deklaron se Greqia do të vijojë të ndjekë me seriozitet këtë çështje, ndërkohë që pretendon se Shqipëria nuk po respekton parimet e shtetit ligjor.

Ai jep ultimatum që të lejohet menjëherë betimi i Belerit si kryetar bashkie i Himarës.

“U takova sot në burgjet e Durrësit, në prani të ambasadores sonë në Shqipëri, znj. Konstantinas Kamitsi, me kryetarin e zgjedhur të Bashkisë Himarë, anëtar i minoritetit etnik grek të Shqipërisë, z. Fredi Beleri, i cili ka mbetur në paraburgim për më shumë se katër muaj. Për Greqinë, ky rast ishte që në fillim dhe mbetet jashtëzakonisht serioz. Respektimi i shtetit ligjor dhe të drejtave civile janë parimet dhe vlerat kryesore evropiane.

Qëndrimi i Greqisë është se në rastin e z. Beleri, nuk merren parasysh parimet e shtetit ligjor, prezumimi i pafajësisë dhe respektimi i të drejtave civile. Pala shqiptare duhet të lejojë menjëherë betimin e zotit Beleri si Kryetar Bashkie, duke respektuar vendimin e qytetarëve në zgjedhjet e fundit. Zgjerimi i situatës aktuale hedh seriozisht një hije mbi marrëdhëniet tona dypalëshe dhe nuk është në përputhje me vlerat evropiane, me gjithçka që ajo përfshin”, thekson ministri grek./ CNA





Lajmet e fundit nga