web counter
LEXO PA REKLAMA!

SHKARKO APP

App Store
Google Play

E fundit!

x

Artan Hoxha flet troç/ "I plas në sy" Vangjel Dules të vërtetat e Belerit me blerjen e votave

14 Shtator 2023, 23:06, Politikë CNA
Artan Hoxha flet troç/ "I plas në sy" Vangjel Dules
Gazetari Artan Hoxha

Gazetari Artan Hoxha ka folur pa filtra dhe i ka thënë në sy Vangjel Dules të vërtetat e kryebashkiakut të zgjedhur të Himarës, Fredi Belerit.

Hoxha i tha kreut të PBDNJ-së se i ka parë vetë provat që Beleri është përfshirë në blerje votash.

Ai theksoi në emisionin e Ylli Rakipit se nuk mund t’i nxjerrë këto prova aktualisht për shkak të procesit gjyësor.

"Kryeministri në fushatë u mor personalisht me Belerin duke e fyer. Vijmë te pjesa, a ka prova për zotin Beleri? A është justifikur flagranca e zotit Beleri?

A ka prova? Po ka prova. I kam parë provat dhe i kam. Nuk mund të dalin tani sepse prishin hetimin. Nuk bëjmë dot atë që bënë kolegët grekë, që nxorrën emrat e oficerëve.

Edhe Greqia me fondet e veta ka paguar për te ngritur institucionet tona të drejtësisë.

Është ngritur çështja Beleri në të gjtihë kancelaritë në Evropë sikur po shkelen të drejtat e minoritetit. Pse nuk e ngrenë këtë problem në Finiq apo Dropull? Zona e Himarës nuk është një zonë minoritare. Aty ka nëj komunitet greqisht folës. Aty është lumi i Vlorës, Borshi, zona të tëra.

Ne ndodhemi para këtij fakti, çështja Beleri është çështje juridike gjyqësore. Kemi pastaj çështje të ngritur në mënyrë artificiale. Kjo ka tre përgjegjës, Berisha, Meta që e kandiduan dhe Edi Rama pastaj", deklaroi Hoxha./ CNA





Lajmet e fundit nga