web counter
LEXO PA REKLAMA!

SHKARKO APP

App Store
Google Play

Ministri i Jashtëm grek paralajmëron sërish Shqipërinë me integrimin në BE/ "Rasti i Belerit, lajthitje"

13 Shtator 2023, 20:15, Politikë CNA
Ministri i Jashtëm grek paralajmëron sërish Shqipërinë
Ministri i Jashtëm grek, Giorgos Gerapetritis

Ministri i Jashtëm grek, Giorgos Gerapetritis, ka reaguar për çështjen e kryebashkiakut të zgjedhur të Himarës, Fredi Belerit.

Gjatë një konference për shtyp, Giorgos Gerapetritis paralajmëroi sërish Shqipërinë me integrimin europian.

Ai tha se Greqia nuk mund të pranojë në BE vende kandidate që nuk përmbushin kriteret e anëtarësimit në gjyqësor dhe demokraci.

Sipas tij, Shqipëria duhet të dëshmojë se respekton të drejtat e pakicës kombëtare greke dhe shtetin e së drejtës.

"Rasti i kryetarit të zgjedhur të Bashkisë Himarë, Fredi Belerti, mendoj se përbën një devijim nga e drejta evropiane. Është lajthitje, përderisa një kryetar i zgjedhur për Pushtetin Vendor, nuk ka mundur të marrë përsipër detyrat e tij, sepse nuk është lejuar, të betohet dhe të marrë përsipër detyrat e tij.

Kjo, nga pikëpamja e vendit tonë dhe nga pikëpamja e së drejtës ndërkombëtare, përbën shkelje të qartë të të drejtave politike të zotit Beleri, shkelje të prezumimit të pafajësisë dhe të shtetit ligjor", theksoi ministri i Jashtëm grek./ CNA





14:00 Politikë

Opozita që na duhet!

Të jesh në opozitë është një zgjedhje, por që palët po...

Lajmet e fundit nga