web counter
LEXO PA REKLAMA!

SHKARKO APP

App Store
Google Play

E fundit!

x

Çuçi i "shtrin dorën" Bashës për bashkëpunim/ “Do të trokasim në zyrën e atij që njeh ligji”

13 Shtator 2023, 13:07, Politikë CNA
Çuçi i "shtrin dorën" Bashës për
Kreu i Grupit Parlamentar të PS-së, Bledi Çuçi

Kreu i Grupit Parlamentar të PS-së, Bledi Çuçi, i ka shtrirë dorën për bashkëpunim Lulzim Bashës dhe PD-së së vulës.

Në një deklaratë, teksa foli për reformën zgjedhore, votën e emigrantëve dhe reformën në drejtësi, i pyetur se me kë do të bashkëpunojë me Lulzim Bashën apo Gazment Bardhin, për këto çështje Çuçi është shprehur se do të trokasë në derën e atij grupi që njeh ligji.

“Të kemi pozicione të negociueshme me BE, sa më të dobishme. Do ju garantoj që Grupi Parlamentar i PS-së do bëjë maksimumin që bashkë me qeverinë të kemi pozicione të negociueshme të dobishme.

Do të punojmë për të përmirësuar imazhin e Shqipërisë në parlamentin e BE-së. Jemi të fokusuar shumë në reformën zgjedhore. Nuk do të humbasim votën e emigrantëve. Do të thellohemi në reformën në drejtësi. Do të preken të gjitha ligjet për drejtësinë e re.

Ne do trokasim në zyrën në radhë të parë që ka përfaqësinë ligjore për t’u trokitur dhe në radhë të dytë që është i prirur të bëjë më të mirën për Shqipërinë. Se ku e cakton zyrën opozita nuk është çështja.

PD tani për tani e ka një kryetar të grupit parlamentar dhe një kryetar të partisë. Secila parti rregullohet me ligjet e veta”, tha Çuçi./ CNA





Lajmet e fundit nga