web counter
LEXO PA REKLAMA!

SHKARKO APP

App Store
Google Play

E fundit!

x

Basha, i akuzuari për përfitime rublash, raporter për konfiskimin e aseteve ruse?

12 Shtator 2023, 18:41, Politikë CNA
Basha, i akuzuari për përfitime rublash, raporter për konfiskimin
Lulzim Basha

Këtë të martë ka qarkulluar në media lajmi se Komiteti për Çështjet Politike dhe Demokracinë në Asamblenë Parlamentare të Këshillit të Europës ka caktuar raporterin për konfiskimin e aseteve ruse dhe përdorimin e tyre për riparimin e dëmeve të shkaktuara nga agresioni i Rusisë kundër Ukrainës.

Sipas mediave, posti i raporterit për konfiskimin e aseteve ruse i është besuar Lulzim Bashës.

Basha është një nga njerëzit e akuzuar për financime ruse. Ky skandal është raportuar edhe nga mediat botërore kryesore si "BBC" dhe "AFP", më pas dhe "Zëri i Amerikës".

Në shtator të 2022-shit, “BBC” raportoi se Rusia kishte shpenzuar rreth 500 mijw dollarë për të mbështetur Partinë Demokratike të Shqipërisë në zgjedhjet e vitit 2017, kohë kur e djathta drejtohej nga Lulzim Basha.

Financimet ruse janë denoncuar edhe më herët, ndërsa Basha nuk ka dhënë asnjëherë një shpjegim të qartë për paratë ruse në PD.

Nga ana tjetër, CNA ka siguruar një dokument që tregon se Lulzim Basha nuk mund të marrë pjesë në Asamblenë Parlamentare të Këshillit të Europës pa miratimin e Gazment Bardhit si sekretar i Përgjithshëm i PD-së.

Në shkresë, Sekretari i Përgjithshëm i Kuvendit, Genci Gjonçaj, me urdhër të kryeparlamentares Lindita Nikolla, i kërkon Bardhi miratim për të lejuar Bashën si anëtar i komisionit të Monitorimit të marrë pjesë në Asamble.

Basha, i akuzuari për përfitime rublash, raporter për konfiskimin

Pra, Basha, njeriu i akuzuar për financime ruse në PD, për të cilin pretendohet se do sekuestrojë asetet ruse, nuk mund të marrte pjesë në takimin e Asamblesë Parlamentare të Këshillit të Europës pa miratimin e Gazment Bardhit./ CNA





Lajmet e fundit nga