web counter
LEXO PA REKLAMA!

SHKARKO APP

App Store
Google Play

Gjekmarkaj hedh Bashën/ “Më vjen turp, Luli nuk ka moral të mbajë emrin dhe logon e PD-së”

11 Shtator 2023, 22:26, Politikë CNA
Gjekmarkaj hedh Bashën/ “Më vjen turp, Luli nuk ka moral të
Deputeti Agron Gjekmarkaj

Deputeti Agron Gjekmarkaj ka hedhur poshtë Lulzim Bashën, i cili e futi në listat e deputetëve të Partisë Demokratike.

Pas disa qëndrimeve kritike, tashmë ai ka dalë hapur kundër Bashës dhe është rreshtuar krah Sali Berishës.

Në emisionin e Erla Mëhillit, Gjekmarkaj tregoi se nga Basha ka ndjerë turp në kohën kur ka qenë analist pranë PD-së dhe Luli akuzohej për rublat ruse.

“Për herë të parë kemi ndjerë trup dhe përgjegjësi në kohën kur akuzohej, asokohe isha në studio, por isha analist pranë PD-së kur akuzohej për rublat ruse, kur nuk pati kurrë një reagim shterues për zotin Basha, për një parti që kishte lindur si parti perëndimore. Unë shpresoj të mos jetë e vërtetë, por me çfarë kemi lexuar në media, me çfarë shkruan shtypi amerikan, nga ana juridike la gjithmonë shumë dyshime.

Unë me këtë nuk po akuzoj Lulzim Bashën, por po kujtoj që nëse ka patur një periudhë ku partia që ka ardhur nga 1941-shi, me këmbët në terrorin e kuq le të themi, në diktaturën komuniste, na akuzonte ne se jemi mbështetës të Rusisë dhe ata vetë ndiheshin perëndimorë”, u shpreh ai, teksa theksoi se Basha i ka “vënë në vështirësi në lidhje me opinionin publik dhe aleatët”.

Gjekmarkaj deklaroi se Basha nuk ka moral të mbajë Partinë Demokratike me emrin dhe logon e saj.

“Lulzim Basha nuk ka moral të mbajë Partinë Demokratike me emrin dhe logon e saj sepse ai nuk është më PD dhe së dyti, quajti deputetët që i ka vbënë vetë në listën e vet si kolonat apo pilastrat e një bunkeri, në një kohë që unë e kam bërë betejën time deri në 6 mars”, nënvizoi deputeti./ CNA





Lajmet e fundit nga