LEXO PA REKLAMA!

SHKARKO APP

“Fytyra e Kukësit është pis”/ Emri Vata: Jetojmë me paratë e emigrantëve, qeveria na izoloi

11 Shtator 2023, 18:41, Politikë CNA

“Fytyra e Kukësit është pis”/ Emri Vata: Jetojmë

Kandidati i koalicionit Bashkë Fitojmë për kryebashkiak në Kukës, Emri Vata, gjatë fjalimit në hapjen e fushatës elektorale, premtoi t'i zbardhë fytyrën qytetit verior.

Vata ngriti akuzat se fytyra e Kukësit është bërë pis, qytetarët janë vjedhur dhe nuk janë trajtuar me prioritet nga qeveria.

“Nuk jam thjeshtë një kandidat opozitar për kryetar bashkie në Kukës, por jam miku dhe qytetari juaj, që kur sheh fytyrën e këtij qyteti të bërë pis, nuk mund të rri pa u përpjekur ta pastroj Kukësin tim.

Vij përpara jush me përgjegjësinë më të madhe sepse populli kuksian, është një pjesë shumë e rëndësishme e Shqipërisë. Si pjesë e rëndësishme meriton të repsketohet, të investohet, të zhvillohet si qytet, qendër e veriut të Shqipërisë. Kukësi nuk është qytet i varfër, por ai është i vjedhur.

Pasuritë e jashtëzakonshme natyrore, si Drini i Zi, Drini i Bardhë, Gjalica, Shtegu i Ngjyrave, fshatrat piktoreske të lëna në harresë, kanë si potencial zhvillimin turistik të vendit tonë. Ministria e Turizmit ka lënë totalisht të papërfshirë në projektet e saj vendin tonë, Kukësin. Por së bashku mundemi të bëjmë realitet kthimin e jetës në qytetin tonë të dashur”, u shpreh ai.

Kandidati opozitar përmendi emigrantët si të vetmin burim të ardhurash dhe traun me pagesë si izolim nga pjesa tjetër e Shqipërisë.

“Varfëria mbizotëron në të gjitha familjet tona dhe burimi kryesor i të ardhurave janë remitancat. Nëse nuk do të ishte për vëllezërit tanë në emigrim, shumë nga familjet tona do të vuanin për bukën e gojës. Kjo është totalisht qesharake kur mendon se burimet tona natyrore nuk i ofron asnjë të ardhur kuksianëve.

I vetmi investim i bërë për ne nga qeveria ishte ndarja jonë nga Shqipëria me anë të një trau, si për të na kujtuar se nuk do të jemi pjesë e tyre, duke na izoluar qëlimisht dhe duke na vënë taksë për të arritur në pjesën tjetër të Shqipërisë”, theksoi Vata./ CNA

Lajmet e fundit nga