LEXO PA REKLAMA!

SHKARKO APP

“Spiropali, takim me bandat dhe Bajrat”/ Reagon ministrja, paralajmëron Berishën

11 Shtator 2023, 18:11, Politikë CNA
“Spiropali, takim me bandat dhe Bajrat”/ Reagon ministrja,
Ministrja e Shtetit për Marrëdhëniet me Parlamentin, Elisa Spiropali

Ish-kryeministri Sali Berisha denoncoi ditën e sotme se ministrja e Shtetit për Marrëdhëniet me Parlamentin, Elisa Spiropali ka bërë mbledhje me bandat e Shkodrës dhe Bajrajt, e sipas tij, për këtë arsye kryeministri Edi Rama i anuloi emërimin si ministre e Jashtme.

Për akuzat e Berishës ka ardhur një reagim nga vetë Spiropali, e cila pretendon se kryedemokratit nuk i ka dalë inati për humbjen e zgjedhjeve në Shkodër.

Ajo paralajmëron ish-kryeministrin se në seancën e radhës plenare do t’i nxjerrë në shesh djallëzitë dhe gënjeshtrat.

O Sali, sa herë që ti leh më kujtohet ajo shprehje e Popullit për ata që kur janë me një këmbë në varr, ndotin në derën e xhamisë.

Të kuptoj o Sali. Ta kuptoj mirë hallin që ke.

S'është kollaj me të dalë e liga me Shkodrën që në 33 vite e ke bërë të vuajë një mijë të zeza.

Shkodra është kocka që të ka mbetur në fyt, dhe nuk e kapërdin dot as me kockat që të hedhin si shpërblim.

Prandaj bërtet e çirresh si lugat. Të largosh frikën tënde. Por e ke kot.

I je futur detit më këmbë. S'ke tjetër fat veçse të zhytesh e të mbytesh si e meriton në detin e dreqnive që i kurdise vet.

O Sali, shih gjej ndonjë kurë për ankthet e tua, se për mua edhe 100 vjet të rrëmosh nëpër skuta e nëpër zgëqe, noc rrokun do gjesh.

Se çfarë ministre do jem unë, atë nuk e ke në dorë ti o Sali.

Unë, o Sali, do vazhdoj të jem ajo që jam. Ajo që të vjen hakut ty.

Ka ikur koha jote.

Ti o Sali, s'bën dot më Gërdec tjetër, të tjera vrasje në bulevard, a të tjera të zeza që mund të dalin vetëm nga mendja jote e çkurdisur pa kthim, nga truri yt i sëmurë pa shërim.

Dëgjo o Sali, më zuri ky taksirat mua. Nuk do të të ndahem asnjë çast derisa të t'i nxjerr sheshit të gjitha të palarat dhe djallëzitë.

Selam o Sali! Në seancën e radhës. Jo të Foltores tënde. Të Foltores time. Ku nuk do të lë kusur pa të marrë, huq pa ta goditur, gënjeshtër pa ta nxjerrë në shesh”, shKruan ministrja në rrjetet sociale./ CNA

Lajmet e fundit nga