web counter
LEXO PA REKLAMA!

SHKARKO APP

App Store
Google Play

E fundit!

x

"Veliaj do të paguajë 5.7 mln euro"/ PD, thirrje Ministrisë së Financave për inceneratorin: Mos miratoni pagesat abuzive

13 Shtator 2023, 13:01, Politikë CNA

"Veliaj do të paguajë 5.7 mln euro"/ PD, thirrje

Partia Demokratike i ka bërë thirrje Ministrisë së Financave të mos bëhet palë e asnjë shkeljeje ligjore dhe pagesave abuzive për inceneratorin e Tiranës. 

Nënkryetari i Këshillit Bashkiak Tiranë, Dorian Teliti, denoncoi në një deklaratë nga selia blu se Erjon Veliaj po planifikon t’i paguajë 5.7 milionë euro të tjera projektit fantazmë të inceneratorit që nuk djeg.

 

"Erjon Veliaj planifikon t’i paguajë 5.7 milionë euro të tjera projektit fantazmë të inceneratorit që nuk djeg, me justifikimin e detyrimeve të prapambetura. Pasnesër në mbledhjen e Këshillit Bashkiak të Tiranës, një ndër pikat e rendit të ditës janë pikërisht ndryshimet që Erjon Veliaj ka ndërmend të bëjë në buxhetin e bashkisë, ku spikat me një vlerë tejet të lartë edhe zëri i inceneratorit, me plot 5.7 milionë euro. Ndaj i bëjmë thirrje ndërgjegjes qytetare të këshilltarëve socialistë. Mos u bëni miratues me kartonin tuaj të vjedhjes së parave të taksapaguesve të Tiranës. Mos u beni noterë të abuzimit me fondet që në vend që të digjen e vidhen me inceneratorë që nuk ekzistojnë, hajde t’i çojmë për ndërtimin e çerdheve e kopshteve, aq të nevojshme për qytetarët e Tiranës që ne përfaqësojmë. I bëj edhe njëherë thirrje Ministrisë së Financave, që t’i kthehet ligjshmërisë në pagesat e thesarit dhe të mos tolerojë apo të bëhet palë e asnjë shkeljeje ligjore dhe pagesash abuzime. Çdo qindarkë vlen, dhe ne këshilltaret e opozitës do mbrojmë interesin, mundin dhe djersën e qytetarëve të Tiranës", u shpreh Teliti.

 

 





Lajmet e fundit nga