web counter
LEXO PA REKLAMA!

SHKARKO APP

App Store
Google Play

E fundit!

x

Opozita që na duhet!

13 Shtator 2023, 14:00, Politikë CNA
Opozita që na duhet!
Foto ilustruese

Të jesh në opozitë është një zgjedhje, por që palët politike të ofrojnë opozitën e duhur është një detyrim ndaj qytetarëve dhe shqiptarëve për të qenë një alternativë e besueshme dhe jo vetëm kaq.

Për të qenë përballë qeverisë dhe për tu përplasur në beteja me të, për vendin dhe si gardian i interesave të qytetarëve dhe denoncimit apo të ndalimit të gabimimeve të qeverisë duhet të jetë opozita.

Opozita që na duhet!

Ne në Shqipëri nuk e kemi opozitën që duhet. Ne nuk e kemi opozitën që u shërben qytetarëve. Sa për qeverinë ajo tashmë urrehet dhe nga vetë sopcialistët.

Në 10 vite është provuar se opozita e drejtuar nga Lulzim Basha ishte thjesht dhe vetëm një fasadë, e blerë, e përdorur dhe keqpërdorur nga qeveria. Tashmë kemi një opozitë të ndarë ku një grup deputetësh janë me Gaz Bardhin, Berisha drejton shumicën dhe Luli ka një pakicë të cilën do ta përdorë për pazar.

Në fakt nuk kemi opozitën që na duhet.

Një opozitë që na duhet do të ishte pa shumicën e deputetëve të grupit parlamentar, ku ka prej atyre që kanë dhënë para, pra kanë blerë mandatin e deputetit.

Ka prej atyre që nuk kanë asnjë kontribut, asnjë vlerë, ka prej atyre që nuk flasin në parlament. Nuk flasin as për çështje më të rëndësishme dhe të nxehta që kalon situata politike. Janë politikanë pa mendim. Nuk kanë shkuar kurrë në zonat elektorale por jetojnë në sarajet e kryeqytetit.

Ka prej atyre që kanë mendim, por janë sharlatanë publikë dhe jo politikanë. Ka Babale, ka servilë të futur në sqetullën e Saliut më pas te sqetulla e Lulit, rikthehen te Saliu e kështu me radhë. Nuk është as ai grup parlamentar, as ata individë, as artikulimi që kemi çdo ditë, opozita që na duhet. Ka dhe përjashtime, por janë pak.

Që të kthehet besimi duhet një opozitë që flet, që ka kauza, që u shkon çështjeve deri në fund. Nuk ka diskutim që Berisha, vazhdon, qëndron dhe reagon ndaj shumë çështjeve, pavarësisht se duhet t’i faturojnë dhe atë që s’i takon, por nuk mjafton.

A mund të bëhet sërish Berisha shumicë?

Opozita që na duhet!

E vështirë për t’u besuar. Por a mund të jetë pjesë e betejave për të ndërtuar një opozitë të vërtetë dhe më pas për ta bërë atë fituese, edhe kjo duket vështirësisht e pranueshme, por fakti është situata në të cilën është sot opozita, nuk është opozita që na duhet.

Nuk e kemi të bashkuar në kauzat e duhura, por është thyer në segmente që kërkojnë përfitime nga pushteti. Luli kërkon ndonjë drejtor nga kryeministri Rama, tenderë për familjarë apo përfitimeve të ndryshme siç janë dhe shumë deputetë, të cilët marrin para nga ato që shpërndan kryeministri me firmën e tij që e hedh fap fap fap mbi dokumente.

Kemi një opozitë ku dikush shkruan, mbetet, ku dikush tjetër bën të fortin, ku dikush tjetër nuk di se çfarë të thotë në parlament e një opozitë ku vlerat duan t’i përfaqësojnë babalet, të pavlerët dhe të pamoralshmit.

E pa këto parime opozitë të besueshme dhe dinjitoze nuk kemi për të pasur.

Si shkohet drejt tyre është momenti më delikat që duhet të bëjë politika shqiptare, sidomos opozita ku dikush duhet të shohë më shpesh veten në pasqyrë e dikush tjetër jo nëpërmjet sondazheve.

Të jenë tek qytetarët aty ku duhet të kuptojnë nga vjen, ku shkon dhe çfarë përfaqëson. Kemi një elitë politike që ka braktisur qytetarët, nuk është në bazë te zgjedhësit, por është në sherrnajë dhe kjo nuk është ajo që na duhet, është opozita e paduhur, kjo është opozita që i duhet qeverisë, jo opozita që i duhet Shqipërisë./ CNA

 





Lajmet e fundit nga