E fundit!

09:23 Aktualitet

Shqipëria avancon në negociatat me BE-në, sot hap i ri drejt integrimit europian

Shqipëria shënon një tjetër moment të rëndësishëm në rrugë...

KQZ e regjistroi si subjekt/ Basha ngre "duart lart" për zgjedhjet në Kukës: Nuk kam kandidat

9 Shtator 2023, 11:39, Politikë CNA

KQZ e regjistroi si subjekt/ Basha ngre "duart lart" për

Kreu i PD-së së vulës, Lulzim Basha në mbjedhjen e Këshillit Kombëtar bëri me dije se dhe pse KQZ e regjistroi në zgjedhjet në Kukës nuk do të ketë kandidat.

Ai u justifikua me faktin se ka respektuar vullnetin e degëve të Kukësit.

“Ne respektuam vullnetin e degëve të Kukësit për të mos nxjerrë kandidat por kjo është hera e fundit që PD nuk ka kandidat në zgjedhje. Të gjithë duhet të jemi në terren për të ringritur partinë dhe të jemi gati për përballje elektorale.”

Pak ditë më parë KQZ regjistroi Bashën si subjekt zgjedhor ndërsa rrëzoi kërkesën e Partisë Demokratike të Bashës për përfaqësim.

Basha në zgjedhjet lokale nuk siguroi dot 61 kandidatë për kryetar Bashkie dhe u zgjodh nga 100 petritët e tij si kryetar por tashmë shprehet se do t'ju shërbejë interesave të njerëzve.

Deri dje thosht se nuk kanë rëndësi numrat por tashmë thotë se do t'i shtrijnë dorën çdo shtresë për të normalizuar politikën.

Por për cilën politikë e ka fjalën, për atë që përçau vetë? Mesa duket Basha nuk është i sigurtë në atë që përfaqëson.

“Sot reformojmë forumet e partisë. Gjithkush duhet ta shoh si test për reformism të PD-së. Duhet të bëjmë gjithçka për të tejkaluar përçarjen PD-së. Ne do të jemi të hapur, ftues, përfshirës pë rata që e pasurojnë aksionin tonë opozitar dhe që e zgjerojnë përfaqësimin politik. Ndërtimi i ekipeve drejtuese është process i hapur dhe i vazhdueshëm që ngjizet përmes frymës së skuadrës që mbizotëron mes nesh. Ne do t’ju shtrimë dorën intelektualëve, të rinjve, çdo shtresë për të normalizuar Politiken. Ky është përkushtimi ynë para shqiptarëve. Një PD që do t’ju shërbejë interesave të njerëzve. Që familjet shqiptare të kenë një jetë të dinjitetshme dhe të rinjtë të mos kenë frikë të ndërtojnë jetën këtu. Na takon të japim prova se ua kemi lënë të tjerëve opsesionin për karrige. Kjo është një përgjegjësi e madhe dhe është detyra jonë t’ju tregojmë qytetarëve se në fund të këtij organizimi do të jemi pranë tyre.”/ CNA