E fundit!

11:24 Aktualitet

SPAK merr të pandehur ish-kryebashkiakun socialist

SPAK ka marrë të pandehur ish-kryebashkiakun socialist të ...

Pas vendimit të Kolegjit Zgjedhor, Berisha “shigjeton” Sokol Sadushin

15 Shtator 2023, 14:37, Politikë CNA

Pas vendimit të Kolegjit Zgjedhor, Berisha “shigjeton” Sokol

Kolegji Zgjedhor ka rrëzuar KQZ-në dhe i ka dhënë të drejtë Partisë Demokratike të "vulës" për caktimin e 2 anëtarëve të KZAZ-së në Kukës.

Ndërkohë Partia e Lirisë në zgjedhjet e pjesshme vendore do të ketë vetëm 1 anëtar.

Me këtë vendim Kolegji Zgjedhor e ka cilësuar PD-në e "vulës"si forcën më të madhe opozitare në vend, e dalë nga zgjedhjet vendore të 14 majit.

Ish kryeministri Sali Berisha ditën e sotme në konferencën e përjavshme me gazetarët, pyet për një koment rreth kësaj pasi ky vendim mund të nikojë dhe në zgjedhjen e subjketit për zgjedhjet e ardhshme, ku tha se ky është një akt i kryeministrit Edi Rama.

Berisha shigjetoi dhe zëvendëskryetarin e Gjykatës së Lartë Sokol Sadushin dhe bashkëshorten e tij, duke thënë se janë dy karikaturat më të shëmtuara të drejtësisë shqiptare.

“Të gjitha vendimet e drejtësisë sot i merr Edi Rama me Sadushen dhe Sadushen

Kolegji Zgjedhor dhe në tërësi drejtësia, dominohet sot nga Sadushi dhe e shoqja, dy karikaturat më të shëmtuara në historinë e drejtësisë shqiptare.

Gjykatën e Lartë e dominon totalisht Sokol Sadushi, një komisar politik, i lidhur me shumë fije të errëta dhe direkt me Edi Ramën, i cili mbahet peng nga Edi Rama me dosjen e vetingut, përveç të tjerash, dhe që siç e keni vënë re ju, vendimin e mbante në sirtar me urdhër të Edi Ramës me arsyen e vetme për të na vonuar shkuarjen në Strasburg.

E tillë është edhe Sadushja në Apel.

Të gjitha vendimet sot i merr Edi Rama me Sadushen dhe Sadushen.

Organet e drejtësisë janë të kontrolluara nga Edi Rama.

Ligji e detyron Sokol Sadushin që brenda 30 ditësh të shprehet për vendimin e Gjykatës së Apelit, por Sokol Sadushi si komisar politik që është aty, mban dosjen, se Edi Rama e ka peng atë me vetingun.

Vetingu i tij nuk është bërë, shkoni e kërkojani asaj zonjës së KLGJ, por ajo nuk nxjerr dosjen.

Kërkojeni se jeni gazetarë dhe me Kushtetutë, vetingu duhet bërë publik. Këta nuk e nxjerrin”, tha Berisha./ CNA