LEXO PA REKLAMA!

SHKARKO APP

“Kuvendi institucion privat”/ Bardhi: Do ndjekim çdo hap për të kundërshtuar miratimin e ligjeve

9 Nëntor 2023, 18:38, Aktualitet CNA
“Kuvendi institucion privat”/ Bardhi: Do ndjekim çdo hap
Kryetari i Grupit Parlamentar të PD-së, Gazmend Bardhi

Kryetari i Grupit Parlamentar të PD-së, Gazmend Bardhi ka folur lidhur me qëndrimin që do të mbajë opozita në Parlament.

Në një intervistë për Syri Tv ai tha se Kuvendi është shndërruar në një institucion privat ku opozita edhe kur ndjek rrugët institucionale e gjen rrugën e mbyllur.

Bardhi shprehet se janë duke shqyrtuar procedurën se si janë duke u miratuar ligjet, dhe se do ndjekin çdo hap për të kundërshtuar atë procedure,

“Kuvendi është shndërruar në një institucion privat ku opozita edhe kur ndjek rrugët institucionale e gjen rrugën e mbyllur, edhe kur i drejtohet Gjykatës Kushtetuese, vendimet që i japin të drejtë opozitës, nuk zbatohen, ç’ka tregon se nuk është më çështje e një rruge institucionale.

Është një vendimmarrje politike e Edi Ramës për të asgjësuar opozitën në Parlament dhe në këtë formë nuk mund të ndjekësh më rrugë institucionale por do ndjekësh një reagim politik dhe opozita është duke reaguar politikisht ndaj mohimit të të drejtave të veta kushtetuese.

Jemi duke shqyrtuar procedurën se si janë duke u miratuar këto ligje, do ndjekim çdo hap për të kundërshtuar atë procedurë, e cila nuk është ligjore apo në përputhje me rregulloren dhe kushtetutën, pra për të mbuluar një shkelje kushtetuese, në mënyrë të përditshme Kuvendi kalon në shkelje të tjera të rregullores apo të kushtetutës të Shqipërisë.”,tha Bardhi./ CNA

Lajmet e fundit nga