E fundit!

12:34 Aktualitet

Kërkesa e protestuesve për kufizimin e mandatit të kryeministrit/ Berisha: PD e gatshme ta votojë

Kreu i PD-së, Sali Berisha, deklaroi se Partia Demokratike...

Biseda për Talo Çelën/ Si u prish pakti për vrasje Dumani-Çapja

12 Nëntor 2023, 17:14, Aktualitet CNA

Biseda për Talo Çelën/ Si u prish pakti për vrasje

Detaje të reja kanë dalë në dritë nga pakti i bërë për të mundësuar vrasjen e Sokol Sanxhaktarit.

Lidhur me këtë pakt përmenden dy nga emrat më të njohur për policinë.

Ishin pikërisht Bledar Muça dhe Florenc Çapja ata të cilët në vitin 2020 kishin lidhur një pakt me Nuredin Dumanin, për të kryer vrasjen e Sokol Sanxhaktarit.

Gjithashtu pjesë e paktit ishte dhe vrasja e dy vëllezërve në Elbasan dhe djegia e një magazine perdesh që në zonën e Fushë-Mbretit.

Djegien e magazinës, Nuredin Dumani e realizoi me urdhër dhe financim të Florenc Çapjas, kundrejt 5 mijë euro që pagoi tek Dumani, Eljo Bitri dhe “Vis Korçari”.

Primare për Florenc Çapjan,ishte vrasja e Sokol Sanxhaktarit, kundrejt çmimit të fiksuar me Dumanin 200 mijë euro dhe vrasja e dy vëllezërve.

Në një nga takimet teksa Muça, Çapja dhe Dumani ishin duke biseduar për çështjen e vrasjeve, Florenc Çapja e ka pyetur: ”…Pse nuk pajtohesh me Talo Çelën…?

Dumani në këtë moment ka filluar të dyshojë, se ata ishin bashkë me Talo Çelën.

Dumani është larguar dhe më pas ka filluar të qëndrojë i distancuar. Florenc Çapja ka kërkuar në mënyrë të vazhdueshme që të takoheshin dhe mbaruar punët e lënë përgjysëm.

Më poshtë gjeni një pjesë të dëshimsë së dhënë:

“…Florenci, më tha:”…pse more burrë ça bëra?

I thashë:”…meqë më the të bëhesha mik me Talon po ti pse nuk bëhesh mik me Suel Çelen?

Me tha:”…unë jam ndryshe me Suelin ndërsa ti je ndryshe me Talon…”.

I thash:”…mbyllet çdo gjë këtu tani…”.

Pastaj folëm vetëm në telefon dhe unë i thashë:“…s’jemi, më as miq po shpresoj as armiq…”.

“…marrëdhënia me Florencin dhe Bledarin, u prish për shkak se gjatë një takimi, të fundit ai më tha: Pse nuk pajtohesh me Talo Çelen?

Në atë moment unë dyshova se këto janë bashkë, Florenci me Talon. Isha fiks mbapra shtëpisë së Çapjave, tek tokat e tyre. U largova butë dhe i thashë: “…do diskutojmë bashkë…”.

Pastaj folëm vetëm në telefon SKY dhe unë i thashë: ”…s’jemi, më as miq, po shpresoj as armiq…”. Ai më tha:”…pse more burrë, ça bëra…?. I thashë:”…meqë më the të bëhesha mik me Talon, po ti pse nuk bëhesh mik me Suel Çelen…?

Më tha: ”…unë jam ndryshe me Suelin, ndërsa ti je ndryshe me Talon…”. I thashë:”…mbyllet çdo gjë këtu tani…”. Dhe muhabeti u mbyll pastaj.

Më ka dërguar Eljo Bitrin disa here, për tu takuar përsëri me ata, por unë nuk pranoja.Këtu u mbyll ky takim…”.

Dumani ka treguar se pas prishjes së marrëveshjeve me Florenc Çapjan dhe Bledar Muçën, është lidhur me Arjan Spahiun dhe Erjon Alibej, takim të cilin e ka negociuar Eljo Bitri.

Pjesë nga rrëfimi i Dumanit:

“…prej atyre u largova dhe pas disa ditësh, kam takuar Arjan Spahinë pasi më njoftoi Eljo Bitri, bashkë me një djalin e tezes së Eljo Bitrit, të cilin e njoh me emrin “Fati”, i cili tani është në burg në Belgjikë.

“Fatit” nuk ja mbaj mend emrin e plotë, është moshë diku tek 45 vjec, i gjatë diku tek 175 cm i shëndoshë, qeros. Me sa di “Fati” e ka shitur Arjan Spahinë tek Çopat…”