web counter
LEXO PA REKLAMA!

SHKARKO APP

App Store
Google Play

Pa leje drejtimi dhe me armë zjarri në automjet, arrestohet 40-vjeçari

13 Nëntor 2023, 11:46, Aktualitet CNA
Pa leje drejtimi dhe me armë zjarri në automjet, arrestohet
Policia e Shtetit

Një 40-vjeçar i armatosur dhe pa patentë është arrestuar nga policia e Tiranës në rrugën “Vangjel Noti”. A.K. është ndaluar nga forcat “Shqiponja” dhe në momentin e ndalimit ai u ka paraqitur efektivëve të rendit, lejen e drejtimit të një personi tjetër pasi vetë nuk posedonte një të tillë.

Kanë qenë efektivët e policisë të cilët nga verifikimet kanë zbuluar se A.K. nuk ishte i pajisur me leje drejtimi, ndërsa gjatë kontrollit në automjet këtij të fundit iu gjend edhe një armë zjarri pistoletë.

Policia ka sekuestruar në cilësinë e provës materiale armën e zjarrit pistoletë me krehër me fishekë si dhe automjetin e 40-vjeçarit.

Arrestimi I 40-vjeçarit është bërë në kuadër të operacionit "Sundimi i ligjit", për kapjen e shtetasve të shpallur në kërkim, të shtetasve që qarkullojnë me armë zjarri dhe të atyre që mbajnë në banesë armë, municion ose drogë. 

Mbi 40-vjeçarin rëndojnë akuzat për veprat penale “Mbajtja pa leje dhe prodhimi i armëve, armëve shpërthyese dhe i municionit” dhe “Drejtimi i automjeteve në mënyrë të parregullt”./CNA

 

 





Lajmet e fundit nga