web counter
LEXO PA REKLAMA!

SHKARKO APP

App Store
Google Play

E fundit!

x

Baftjar Zeqja, ish-kryetar i Bashkisë Fier në SPAK

13 Nëntor 2023, 13:11, Aktualitet CNA

Baftjar Zeqja, ish-kryetar i Bashkisë Fier në SPAK

Ish-kryetari i bashkisë së Fierit Baftjar Zeqja është paraqitur në ambientet e SPAK. Zeqja ka drejtuar bashkinë Fier në tre mandate, ndërsa nuk dihen ende arsyet e thirrjes së tij në SPAK.

Fillimisht u zgjodh kryetar bashkie në vitin 2003 dhe më pas në vitet 2007 e 2011.

Më herët emri i Baftjar Zeqajt është përmendur në dosjen e inceneratorëve ku raportohej se ministri i Ekonomisë së kohës Arben Ahmetaj i kërkonte këtij të fundit që të takohej me Mirel Mërtirin.

Zeqaj e ka mohuar këtë komunikim me ish-ministrin. 

“As nuk kam pirë kafe dhe as nuk kam shkëmbyer ndonjë kështu. Nuk kam firmosur asnjë tender, absolutisht. Inceneratori i përket mbas viteve 2015, e kam dëgjuar nga njerëzit e komunës që nuk e donin aty. Momenti i dytë që po e heton SPAK, kaq di unë për grupin hetimor. Jo pra asnjëherë nuk kam komunikuar me Ahmetaj, as nuk kam pirë kafe. Nuk ka qenë shoku im, shok partie. Nuk mbaj mend, nëse do e mbaja mend do e kisha thënë. Ahmetaj më ka nis një mesazh që do takohesh me Mërtirin, nuk e kam njohur as si fytyrë. Në celularin e Ahmetaj është gjetur një mesazh që me thotë për të takuar këtë person, unë nuk e mbaj mend a e kam takuar. Jam i shqetësuar se emri shpërdorohet, SPAK është korrekt. Celulari i tij është në duart e SPAK.

Po patjetër do them që nuk e mbaj mend a e kam takuar. Inceneratori i Fierit është proces hetimi. Nëse do më pyesnit atëherë do thosha nuk jam dakord për ndërtimin e inceneratorit të Fierit, por nuk më ka pyetur njeri. Nuk jam pyetur për këtë çështje”, është shprehur ai./CNA





Lajmet e fundit nga