web counter
LEXO PA REKLAMA!

SHKARKO APP

App Store
Google Play

SPAK kërkon 4 vite burg për ish-sekretaren e Shëndetësisë

13 Nëntor 2023, 12:32, Aktualitet CNA

SPAK kërkon 4 vite burg për ish-sekretaren e

SPAK kërkon 4 vite burg për ish-sekretaren e Shëndetësisë, Joana Duron.

Joana Duro mori 330 mijë lekë për të favorizuar një operator ekonomik në një tender për rikonstruksionin e Qendrave Shëndetësore në Tiranë dhe Durrës.

Sipas SPAK-ut, këto vlera monetare u dhanë nga shtetasja Laura Shteto, me detyrë Specialiste e Nivelit të Lartë në Agjencinë e Ofrimit të Shërbimeve Publike të Integruara.

Hetuesit e Byrosë Kombëtare të Hetimit në bashkëpunim me Forcën e Posaçme Operacionale në Drejtorinë e Përgjithshme të Policisë së Shtetit, nën drejtimin dhe kontrollin e Prokurorisë së Posaçme, arrestuan në flagrancë në datën 02.06.2023 shtetaset J. D. dhe L. Sh., për veprat penale “Korrupsioni pasiv i funksionarëve të lartë shtetërorë ose i të zgjedhurve vendorë” dhe “Korrupsioni aktiv i funksionarëve të lartë shtetërorë ose të zgjedhurve vendorë”, parashikuar nga nenet 260 dhe 245 të Kodit Penal.

Gjithashtu në zyrën e Sekretares së Përgjithshme u bë i mundur edhe sekuestrimi në cilësinë e provës materiale të shumës prej 330 000 (treqind e tridhjetë mijë) lekësh (shumë e cila përbën përfitimin e parregullt të dhënë nga shtetësja L. Sh.)./ CNA





Lajmet e fundit nga