web counter
LEXO PA REKLAMA!

SHKARKO APP

App Store
Google Play

E fundit!

x

Pse nisi investigimi i CNA për familjarët e prokurorëve dhe gjyqtarëve të punësuar në administratë

13 Nëntor 2023, 18:09, Aktualitet CNA

Pse nisi investigimi i CNA për familjarët e prokurorëve dhe

CNA prej disa muajsh ka nisur një investigim për familjarët e prokurorëve dhe gjyqtarëve të punësuar në administratë.

Për këtë investigim, foli mbrëmjen e sotme në një lidhje me Sonila Meçon gazetari Elvi Fundo.

Ai deklaroi se investigimi mori shkas nga çështjet gjyqësore që vonohen shumë dhe shtyhen deri në limitet e afatit.

Si shembull, gazetari përmendi hetimet për inceneratorët e Elbasanit dhe të Fierit, për të cilat deklaroi se kanë mangësi.

“Ne kemi nisur një investigim prej disa kohësh në lidhje jo vetëm me zotin Arben Kraja, por me një numër të madh prokurorësh, gjyqtarësh, njerëz të sistemit të drejtësisë që kanë kaluar vettingun. Nga informacionet që kem marrë gjithë këto muaj, na rezulton se shumë prokurorët i shtyjnë në “kalendrat greke”, pra i vonojnë. Shkohet gati në limitet e afatave.

Kujtojmë se dosja e inceneratorit të Tiranës është dërguar në prokurori që në vitin 2020 dhe vetëm në korrik pati veprime, që u bë sekuestrimi, flasim këtu që ka 3-4 vjet gati dhe hetimet për inceneratorin e Elbasanit, në dyshimet e mia, por edhe për Fierin, kanë mangësi.

Ajo që na lindi dyshim është fakti se pse në këtë histori ka ngelur gjithçka vetëm në duart e Lefter Kokës si të akuzuar, Alqi Bllakos dhe pastaj fillon historia Klodian Zoto - Mirel Mërtiri - Stela Gugallja, Stela Gugallja – Lefteri e kështu me radhë dhe nuk ka persona të tjerë të hetuar apo hetim si grup kriminal, por është një hetim i copëtuar dhe i është bërë një shërbim kriminal inceneratorëve duke e ndarë grupin.

Dhe ne donim të kuptonim a kanë lidhje të drejtpërdrejta prokurorët dhe gjyqtarët e SPAK-ut me qeverinë dhe ne kemi investiguar të gjithë prokurorët e gjyqtarët. E filluam me Zotin Arben Kraja”, theksoi gazetari./ CNA





Lajmet e fundit nga