web counter
LEXO PA REKLAMA!

SHKARKO APP

App Store
Google Play

E fundit!

x

Statistikat gjinore në media, dominojnë meshkujt

14 Nëntor 2023, 14:53, Aktualitet CNA
Statistikat gjinore në media, dominojnë meshkujt
Regji televizioni

Edhe në mediat audiovizive, meshkujt zënë numrin më të lartë të të punësuarve. Të dhënat për këtë i ka publikuar Armela Krasniqi, Kryetare e Autoritetit të Mediave Audiovizive.

Në një postim në profilin e saj në "Facebook", Krasniqi shkruan se gratë e angazhuara në Ofruesit e Shërbimit të Mediave Audiovizive zënë thuajse 1/3 e totalit të të punësuarve.  

“Gratë e angazhuara në OSHMA zënë pothuaj 1/3 e totalit të të punësuarve. Të dhënat e mbledhura nga operatorët në treg për vitin 2022, të publikuara në Buletinin Periodik tregojnë se përqindja më e lartë në televizione, radio dhe kabllorë, është meshkuj.”- shkruan Krasniqi.

Në televizion raporti mes femrave dhe meshkujve është përkatësisht 39% me 61%.

“Respektivisht në televizione raporti mes femrave dhe meshkujve është 39% me 61%; në radio 40% e të punësuarve janë femra dhe 60% meshkuj ndërsa në kabllorë diferenca është më e madhe, 30% me 70%”- shkruan shefja e AMA-s.

Të dhënat janë siguruar nga subjektet e tregut audio dhe audioviziv dhe pasi përpunohen, publikohen në Buletinin Periodik të AMA-s i disponueshëm edhe "online"./CNA





Lajmet e fundit nga