web counter
LEXO PA REKLAMA!

SHKARKO APP

App Store
Google Play

E fundit!

x

Basha me "agjendë" të zënë, nxjerr zëdhënësen për të sulmuar Berishën

14 Nëntor 2023, 14:27, Politikë CNA
Basha me "agjendë" të zënë, nxjerr
Lulzim Basha

Pasi e rrëzoi edhe Gjykata e Tiranës për Partinë Demokratike, Luli ka vendosur të reagojë dhe të bëjë "opozitë". Siç ndodh edhe shpesh, ai nuk del të "reagojë" vetë, pasi ka një agjendë tepër të zënë, por nxjerr Mirela Karabinën, e cilën e quan zëdhënëse.

Basha vijon takimet e tij "argëtuese" në Britani të Madhe, por ama puna nuk i ndërpritet dhe zëri i tij përçohet edhe pa qenë prezent. 

Karabina mesa duket i bindet me përpikëri Bashës dhe ka hedhur akuza ndaj ish-kryeministrit Sali Berisha, për të cilin shprehet se nuk duhet të përdorë si mburojë demokratët, siç bën Hamasi. 

Pra, Luli dhe mbështetësit e tij janë shumë të merakosur për demokratët, aq shumë sa edhe në seancat plenare apo komisionet parlamentare bëjnë "opozitë të fortë". Për ata fajin e ka Berisha dhe nuk ngurrojnë ta sulmojnë atë.  

"Sali Berisha bën mirë të shkojë të përballet me drejtësinë dhe mos të fshihet si struci. Të shkojë të provojë së është i pafajshëm dhe të mos përdorë demokratët si mburojë, njësoj siç bën Hamasi. Sali Berisha është sot person i padëshiruar në SHBA dhe Britani të Madhe. Për hallin e tij personal ka dy vjet që së bashku me Edi Ramën, mundohet të dëmtojë PD-në, në këmbim të kullave të familjarëve të tij. Hallet dhe makthet e 'non grata'-s nuk i zgjidh dhe as s'do t’i zgjidhë me mashtrim të gatuar në kazanin e përbashkët me Edi Ramën dhe të servirura në mediat e paguara me paratë e krimit dhe të korrupsionit", thuhet në reagimin e Mirela Karabinës./CNA 





Lajmet e fundit nga