E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

“Pushim për vajzat e gratë gjatë ciklit menstrual”/ Braçe sërish thirrje kolegëve: Mos u mendoni një vit

14 Nëntor 2023, 15:51, Politikë CNA

“Pushim për vajzat e gratë gjatë ciklit menstrual”/

Deputeti i Partisë Socialiste, Erion Braçe

Deputeti i Partisë Socialiste, Erion Braçe, propozoi dje në Komisionin e Ekonomisë që gjatë ciklit menstrual vajzat dhe gratë të bëjnë pushim.

Gjithashtu, ai kërkoi të hiqen tatim taksat për paketën higjieno sanitare, të nevojshme për vajzat e gratë në ciklin menstrual.

Për këtë propozim ai mori shumë reagime, e megjithatë socialistët janë shprehur se do të votojnë kundër.

Pas lumit të reagimeve, Braçe ka folur sërish, duke këmbëngulur se kërkesat e tij janë të domosdoshme.

Deputeti u bën thirrje kolegëve të rrjetet sociale të mendohen seriozisht për këto propozime, por jo një vit.

Braçe në mbështetje të grave, propozimi: Leje gjatë ciklit, t’i paguajë shteti
14 Nëntor, 09:20

Deklarata e plotë:

Dje kam bere dy propozime, te dyja per vajzat e grate ne kete vend;

I pari: njohjen ne kriteret klinike orientuese per percaktimin e paaftesise se perkohshme ne pune, te ciklit menstrual te vajzave e grave;

I dyti: clirimin nga tatimet e taksat-perfshi TVSH te paketes higjeno sanitare te domoadoshme per kete semundje.

Sinqerisht, e kuptoj ironine, perqeshjen etj-jemi vendi i duhur per keto, por jam intolerant ndaj budallallekut, padijes e injorances si produkt i tyre.

Poo, une mendoj qe per vajzat 16-17-18 vjecare cikli menstrual perjetohet si traume ne shkolle e jo vetem, ne pune kur i detyrojne te punojne; per me te medhaja deri gra, e gjitha vjen edhe si gjendje klinike qe nuk te lejon as te studiosh as te punosh;

Braçe kërkon leje të paguar për gratë me cikël, e kundërshton kolegia
14 Nëntor, 11:14

E ketu te puna, mendoj se rendimenti nuk duhet te jete torture;

Besoj se nje pjese e reagimit dje, vjen nga ketu, tek punedhenesi parashume qe “do punen”!

Kur kam folur per perqendrimin e punetoreve ne kater pese grupe te medha tregtare, ju kam thene se kjo eshte e keqe per shoqerine-vecanerisht atje ku nuk ka asnje bashkim punetoresh qe mbron interesat e tyre;

E prisja reagimin; keto 1-2 dite, duhet ti paguajne punedhenesit; te gjithe, nga ata te fasonit, deri tek ata te bankave, gjithcka qe eshte brenda; duhet te mesohen me kete, nese duan punetore!

Ne ane tjeter, doemos qe duhet te bej edhe shteti te tijen;

Clirimin nga tatimet e taksat te paketes higjeno sanitare, ne rrugen e shpejte te mbulimit te kesaj pakete falas!

Me besoni, duhet bere kjo!

Mendohuni, por ju lutem jo nje vit, eshte tmerr te mendohesh nje vit!/ CNA