web counter
LEXO PA REKLAMA!

SHKARKO APP

App Store
Google Play

E fundit!

x

Basha, në SPAK?/ Analisti: Mund të merret i pandehur për 21 Janarin

14 Nëntor 2023, 21:44, Politikë CNA
Basha, në SPAK?/ Analisti: Mund të merret i pandehur për 21
Lulzim Basha

Lulzim Basha do të thirret nga SPAK për vrasjen 4 protestuesve në bulevardin “Dëshmorët e Kombit” në 21 janar të 2011-ës.

Këtë pretendim e ka ngritur mbrëmjen e sotme analisti Arben Meçe gjatë një daljeje televizive.

Meçe tha se Basha fillimisht do të pyetet si person në dijeni për ngjarjen dhe më pas mund të merret i pandehur. Sipas tij, i vetmi shpëtim për Bashën është që të rrëfehet.

“21 Janarin e ka Basha në kurriz sepse ai ishte drejtuesi politik i atij institucioni që ka bërë krimin shtetëror. Automatikisht e ka ai përgjegjësinë. Tani me fjalën që do të thotë, sepse do të merret në hetim, në pyetje.

Do ta marrë SPAK, është krim shtetëror… Parimi është i thjeshtë, gjykata më e lartë e ka shpallur krim shtetëror. Lulzim Basha do të merret si person në dijeni, ndoshta dhe i pandehur, fillimisht do të jetë për dijeni. Shpëtimi i vetëm i tij është të flasë sepse gjithë përgjegjësinë qoftë politike, deklarative, apo dirigjimin e çështjes, në të gjithë atë kohë, e ka mbajtur vetëm një person: Sali Berisha. Dhe ka arritur aq sa nëse afrohet edhe njëherë snajperi do të vrasë edhe Edi Ramën. Domethënë të gjitha këto janë deklarata të penalizojnë sepse nuk jemi në kushtet e vrasjes nga pakujdesia por me paramendim”, theksoi analisti./ CNA





Lajmet e fundit nga