web counter
LEXO PA REKLAMA!

SHKARKO APP

App Store
Google Play

“Afrikanët do kërkojnë për femra”/ Rama i përgjigjet Çanit: Çmenduri

14 Nëntor 2023, 19:19, Politikë CNA

“Afrikanët do kërkojnë për femra”/ Rama i

Disa ditë më parë, gazetari Arian Çani ngriti alarmin se afrikanët që do të sillen nga Italia në Gjadër do të jenë të uritur seksualisht për shkak të kohës së gjatë që do të mbahen mbyllur dhe do të dalin të kërkojnë femra.

Për këtë deklaratë ka folur mbrëmjen e sotme kryeministri Edi Rama në Forumin e Medias për Europën Juglindore.

Rama tha se kjo është çmenduri dhe në këtë rast liria e shtrirjes së informacionit e ka tejkaluar lirinë e fjalës. Ai deklaroi se në Gjadër nuk do të vendosen vetëm burra, por edhe gra.

“Edhe tani nuk e di pas sa ditësh që në bëmë publike këtë marrëveshje me qeverinë italiane për emigrantët më duhet t’i përgjigjem pyetjes për rrezikun që mund t’i vijë Shqipërisë duke sjellë këtu 3 mijë meshkuj afrikanë, që nuk ka qenë kështu.

Kur kryeministrja italiane e shpjegoi marrëveshjen që gratë shtatzënë dhe të miturit nuk do të përfshihen në këtë program, për shkak të gjendjes së tyre. Do të merren e do dërgohen menjëherë aty ku i jepet ndihma e menjëhershme. Lajmi që u përcoll ishte asnjë grua dhe fëmijë, vetëm burra afrikan.

Do vijnë afrikanët këtu, të uritur seksualisht dhe pastaj zoti e di se çdo të ndodhë kur të shfryjnë dëshirat e tyre një dite te gratë dhe vajzat shqiptare, deri në këtë pikë.

Pyetja për ju njerëz është kjo: Si mund ta luftojmë këtë? Ky është vetëm një shembull që ka përfshirë dy vende. Kjo nuk është në Shqipëri, është në Itali. Kështu është, është çmenduri!

Liria e shtrirjes së informacionit e ka tejkaluar lirinë e fjalës dhe ajo çfarë më shqetëson më shumë është se nuk ka më dialog, ka llogore. Ka llogore, parapëlqim”, theksoi kreu i qeverisë./ CNA





Lajmet e fundit nga