web counter
LEXO PA REKLAMA!

SHKARKO APP

App Store
Google Play

21 Janari dhe Gërdeci/ Argita Malltezi: Janë situata që rëndojnë, më dhemb zemra…

30 Tetor 2023, 22:02, Aktualitet CNA
21 Janari dhe Gërdeci/ Argita Malltezi: Janë situata që
Argita Malltezi, vajza e ish-kryeministrit Sali Berisha

Argita Malltezi, vajza e ish-kryeministrit Sali Berisha u pyet mbrëmjen e sotme për 21 Janarin dhe për Gërdecin, dy çështje për të cilat janë ngritur akuza ndaj babait të saj.

Malltezi tha në një intervistë televizive se këto janë dy situata që rëndojnë, pavarësisht fajit.

Ajo deklaroi se në rastin e 21 Janarit nuk ka pasur një veprim të paligjshëm nga strukturat shtetërore, ndërsa për shpërthimin e Gërdecit theksoi se i dhemb zemra sa herë e kujton.

“Unë jam këtu sepse mendoj se kam një detyrim për të shpjegiuar karshi atyre qytetarëve shqiptarë që kanë mbështetur Sali Berishën, që kanë mbështetur PD-në. Nuk jam këtu për t’i kërkuar askujt asgjë. Kjo çështje është një çështje e zhveshur totalisht nga materja. Kjo çështje do të përthahet shumë shpejt në mënyrë të çuditshme siç nisi.

Kështu që, duke mos qenë njeri publik, nuk pritej nga unë reagim publik për ato situata, por padiskutim që të gjitha ato janë situata që rëndojnë, pavarësisht që faji është krejtësisht gjë tjetër, vetë situata vetë është situatë që rëndon.

Këto janë ndodhi që shoqërojnë si të thuash rekursin politik dhe historik të një vendi, është fatkeqësi e madhe, por edhe një peshë e rëndë përballja me to. E rëndësishmja është që njeriu të ketë një llogaridhënie karshi Zotit dhe karshi ligjit.

Kjo e dyta (21 Janari) ka treguar mendoj unë qartë se nuk ka pasur veprim të paligjshëm nga strukturat shtetërore. E para, (Gërdeci) është një gjë që siç thashë, sa herë që e shikoj situatën e Gërdecit, është një gjë që më dhemb zemra, nuk është një gjë që kalohet thjeshtë”, nënvizoi vajza e ish-kryeministrit Berisha./ CNA





Lajmet e fundit nga