web counter
LEXO PA REKLAMA!

SHKARKO APP

App Store
Google Play

Anila Denaj prezanton drejtorin e ri të AKU-së/ Paralajmërimi i ministres

30 Tetor 2023, 12:33, Aktualitet CNA
Anila Denaj prezanton drejtorin e ri të AKU-së/ Paralajmërimi i
Ministrja e Bujqësisë Anila Denaj

Ministrja e Bujqësisë,  Anila Denaj, ka prezantuar sot drejtorin e ri të AKU-së Edmond Rrushi.

Gjatë takimit prezantues, Denaj ka përcjellë mesazhin tek punonjësit e AKU-së se siguria ushqimore është një gur themeli për një jetë të shëndetshme për konsumatorët dhe familjet shqiptare.

Ministrja ka theksuar se, forcimi i metodologjisë së riskut, përmes rakordimit të një plan veprimi për 2024, bashkë me Ministrinë e Brendshme, Policinë e Shtetit dhe qeverisjen vendore është një prioritet për të garantuar standardet më të larta të sigurisë ushqimore.

Më tej ka paralajmëruar se do të ketë zero tolerancë me situatat e evidentuara në shkelje dhe larg profilit të duhur.

“Në prezantimin e drejtorit të ri të AKU, Edmond Rrushi, përcolla për të gjithë punonjësit e këtij institucioni mesazhin e rëndësishëm që siguria ushqimore është "gur themeli" për një jetë të shëndetshme për konsumatorët, për familjet tona.

Theksova se forcimi i metodologjisë së riskut, përmes rakordimit të një plan veprimi për 2024, bashkë me Ministrinë e Brendshme, Policinë e Shtetit dhe qeverisjen vendore, është prioriteti ynë për të garantuar standardet më të larta të sigurisë ushqimore.

Puna e cdo inspektori duhet te jete etike dhe profesionale, si një ndër cilësitë që duhet të këtë çdo inspektor i AKU. Zero tolerance me situata te evidentuara ne shkelje dhe larg profilit te duhur.

Faleminderit Jeta Deda për drejtimin e AKU gjatë dy viteve të fundit, me përkushtimin e çmuar dhe punën e bërë sipas orientimeve ndërkombëtare”, shkruan Anila Denaj në rrjetet sociale./ CNA

 

 





Lajmet e fundit nga