web counter
LEXO PA REKLAMA!

SHKARKO APP

App Store
Google Play

E fundit!

x

Përfshihet në konflikt/ Arrestohet ish-deputeti, Mark Frroku

30 Tetor 2023, 09:15, Aktualitet CNA
Përfshihet në konflikt/ Arrestohet ish-deputeti, Mark Frroku
Mark Frroku

Ish-deputeti Mark Frroku është arrestuar nga policia e Durrësit. Mësohet se ish-deputeti është vënë në pranga pasi është përfshirë në një konflikt me disa banorë, për pronësinë e një toke të zonës bregdetare.

Një ditë më parë, policia në një njoftim zyrtar sqaronte se në zonën e Kepit të Rodonit, disa banorë të fshatit Shetaj, konkretisht shtetasit B. K., E. R., Y. R. dhe O. R. janë konfliktuar me sende të forta, me përfaqësues të kishës katolike, shtetasit N. S., M. F., M. L. dhe P. D.

Sipas policisë, konflikti ka nisur gjatë kohës kur përfaqësuesit e kishës katolike po bënin rrethimin e pronës për të cilën kanë certifikatë pronësie. Banorët e zonës nuk i kanë lejuar që të bëjnë këtë rrethim, pasi edhe ata kanë një certifikatë pronësie, që pretendojnë se e kanë po për këtë pronë. 

Uniformat blu raportuan se konflikti midis këtyre shtetasve ka agravuar me përdorimin e sendeve të forta, pas konfliktit me grushte. Në vendngjarje është gjetur dhe 1 gëzhojë arme zjarri.

Si pasojë e konfliktit me sende të forta kanë pësuar dëmtime të lehta disa nga shtetasit e përfshirë në konflikt, të cilët pasi kanë marrë ndihmë mjekësore, janë shoqëruar bashkë me shtetasit e tjerë të përfshirë në konflikt, me qëllim kryerjen e veprimeve për sqarimin e rrethanave të ngjarjes./ CNA





Lajmet e fundit nga