web counter
LEXO PA REKLAMA!

SHKARKO APP

App Store
Google Play

Emigrantët, Këshilli i Ministrave miraton marrëveshjen me Italinë

15 Nëntor 2023, 14:00, Politikë CNA

Emigrantët, Këshilli i Ministrave miraton marrëveshjen me

Këshillli i Ministrave ka miratuar marrëveshjen për pranimin e emigrantëve nga Italia.

Në mbledhjen e kësaj të mërkure Këshilli i Ministrave ka miratuar marrëveshjen duke i hapur rrugë diskutimit të saj në komisionet parlamentare, me grupet e interesit dhe në Kuvend.

Marrëveshja u firmos më 6 nëntor 2023 nga Kryeministri i Shqipërisë Edi Rama dhe homologia e tij italiane Giorgia Meloni.

Me anë të këtij vendimit të Këshillit të Ministrave, të marrë nga numri dy i qeverisë, Belinda Balluku ligjërohet ngritja e qendrës së pritjes së emigrantëve nga Afrika në Gjadër.

Sipas marrëveshjes, emigrantët do të zbarkojnë në Shëngjin, ndërsa në Gjadër do të jetë ngrihet kampi ku ata do të qëndrojnë. Nga ajo çka autoritetet kanë zbuluar deri më tani bëhet me dije se kapaciteti maksimal që do të presë qendra në Shqipëri nuk mund të jetë më shumë se 3 mijë emigrantë në muaj. Për garantimin e sigurisë do të angazhohen forcat e policisë italiane të cilat do të ruajnë edhe perimetrin e brendshëm të kampit.

Ashtu sikundër çdo marrëveshje tjetër që lidhet mes Shqipërisë dhe një shteti tjetër tjetër edhe për këtë marrëveshje do të ndiqen hapat ligjorë që parashikon Kushtetuta deri në miratimin përfundimtar të saj në Kuvend.

Kjo marrëveshje ka nxitur debate të shumta në opinionin publik ku nuk kanë munguar akuzat se Shqipëria është vetëofruar për pranimin e emigrantëve dhe se në këtë mënyrë po i fal territor Italisë./CNA

 





Lajmet e fundit nga