web counter
LEXO PA REKLAMA!

SHKARKO APP

App Store
Google Play

E fundit!

x

Çështja ‘Gërdeci’/ “Gabimi i asaj dite”, zbardhet dëshmia e ish-ushtarakut që mbikëqyrte procesin e demontimit

27 Tetor 2023, 16:08, Aktualitet CNA

Çështja ‘Gërdeci’/ “Gabimi i asaj

Ish-ushtaraku Zabit Çuku që ishte mbikëqyrës në procesin e demontimit të armëve në Gërdec ka dhënë dëshminë e tij në GJKKO.

Dëshmia e tij është dhënë në procesin ndaj ish-ministrit të Mbrojtjes, Fatmir Mediu.

Dëshmitari Zabit Çuku, ish-ushtarak në rezervë, tha se kishte punuar për gati një muaj në Gërdec, si specialist demontimi. “Na ftoi Sokol Ngjeci për demontim. Na organizoi një takim me Delijorgjin. Ne do ishim si skuadra e sigurimit teknik. Unë kisha 6-8 veta nën mbikëqyrje”, tha dëshmitari.

Çuku ka thënë se për punën në Gërdec nuk ka nënshkruar ndonjë kontratë.

“Rregullore me gojë për punën pati, por jo me shkrim”, tha dëshmitari. Në lidhje me ditën e ngjarjes, dëshmitari tregon se kishte dëgjuar një zë gruaje “mori flakë” dhe gati 20-30 metër larg kishte parë tym të bardhë, që e kishte njohur si tym baruti.

“U kërkova punëtorëve të iknin shpejt. U larguam për rreth 350 metra. Nga shpërthimi i dytë më ra një copë predhe në kokë, si edhe kam thyer këmbën”, tha dëshmitari.

Për shkakun e shpërthimit, Çuku tha se pas ngjarjes kishte dëgjuar se ishte shkaktuar nga ndezja e barutit në karrocën e saposalduar. Mes të tjerash ai vijoi të tregonte për ditën e tragjedisë, ndërsa shtoi se gabim ishte fakti që në vendngjarje ishte grumbulluar shumë barut.

“Çdo ditë baruti grumbullohej në sheshin e madh. Pas kësaj faze largohej menjëherë. Atë ditë u grumbullua shumë në sasi të madhe. U bë shumë. Dhe nuk u largua. Ai ishte gabimi i asaj ditë”, shprehet ai.

Në seancat gjyqësore për procesin ‘Gërdeci’, janë thirrur dëshmitarë, mes tyre edhe familjarë të viktimave.





Lajmet e fundit nga