E fundit!

08:01 Kosova & Bota

Ari bie pavarësisht inflacionit të lartë në SHBA, ekspertët shpjegojnë arsyet

Ari po shkon drejt muajit të katërt radhazi në rënie, pava...

Sekuestrohen pasuritë e Pëllumb Gjokës

27 Tetor 2023, 12:17, Aktualitet CNA

GJKKO ka sekuestruar disa pasuri të biznesmenit Pëllumb Gjoka.

Bëhet fjalë për 3 pasuri të paluajtshme, me sipërfaqe totale 390 mijë m2.

Konkretisht janë sekuestruar:

• Pasuria e llojit pyll, me sipërfaqe 113.500 m2, e ndodhur në Pulaj-Plazh, Velipojë, Shkodër, regjistruar në emër të një shoqërie tregtare…….;

• Pasuria e llojit pyll, me sipërfaqe 61.470 m2, e ndodhur në Pulaj-Plazh, Velipojë, Shkodër, regjistruar në emër të një shoqërie tjetër tregtare……..;

• Pasuria e llojit pyll, me sipërfaqe 215.030 m2, e ndodhur në Pulaj-Plazh, Velipojë, Shkodër, regjistruar në emër të shtetasit K. Gj.

Nga hetimet e kryera ka dyshime të arsyeshme të bazuara në prova se pasuritë e lartpërmendura, janë në pronësi të personave dhe shoqërive të mësipërme janë fituar nëpërmjet falsifikimit të dokumenteve të kryer nga shtetasi Pëllumb Gjoka, në bashkëpunim me persona të tjerë.

Vendimi i Gjykatës së Posaçme të Shkallës së Parë Për Korrupsionin dhe Krimin e Organizuar është ekzekutuar nga Prokuroria e Posaçme në bashkëpunim me Agjencinë e Administrimit të Pasurive të Sekuestruara dhe të Konfiskuara.

Mbi Pëllumb Gjokën, investitorit strategjik të qeverisë dhe personave të përfshirë në falsifikimin e dokumenteve, rëndojnë 12 vepra penale.

Konkretisht Prokuroria e Posaçme kundër Korrupsionit dhe Krimit të Organizuar po vijon hetimet për veprat penale “Vrasja me paramendim”, “Korrupsioni pasiv i gjyqtarëve, prokurorëve dhe funksionarëve të tjerë të organeve të drejtësisë”, “Korrupsioni aktiv i gjyqtarit, prokurorit dhe i funksionarëve të tjerë të drejtësisë”, “Heqja e paligjshme e lirisë”, “Shpërdorimi i detyrës”, “Ekspertimi i rremë”, “Falsifikimi i dokumenteve”, “Trafikimi i narkotikëve”, “Mbajtja pa leje e armëve dhe prodhimi i armëve, armëve shpërthyese dhe municionit”, në bashkëpunim në formën e “Grupit të strukturuar kriminal”, “Kryerja e veprave penale nga organizata kriminale dhe grupi i strukturuar kriminal”, “Pastrimi i produkteve të veprës penale ose veprimtarisë kriminale”, të parashikuara nga nenet 78, 319/ç, 319, 110, 248, 309, 278, 283/a, 333/a, 334, dhe 287 të Kodit Penal./ CNA