web counter
LEXO PA REKLAMA!

SHKARKO APP

App Store
Google Play

E fundit!

x

Berisha sulmon Millonain: Mbylli dosjen e Don Lalës për inceneratorin e Elbasanit

17 Nëntor 2023, 13:12, Politikë CNA
Berisha sulmon Millonain: Mbylli dosjen e Don Lalës për inceneratorin
Prokurorja Enkeleda Millonai

Sali Berisha, kryetar i Partisë Demokratike, ka sulmuar edhe njëherë Enkeleda Millonain, e cila është një nga prokuroret e grupit të hetimit të dosjes së privatizimit të ish-kompleksit "Partizani".

Në konferencën me gazetarët Berisha tha se Millonai ka mbyllur dosjen e inceneratorëve të Don Lalës në Elbasan dhe për këtë është shpërblyer.

“Si mund të pranohet Millonai që mbyll dosjen e Don Lalës për inceneratorët dhe vjen në SKAP në vend që të shkojë aty ku e meriton? Si mund të them unë? Nuk ka njëri që mund të respektojë më shumë se unë ata që zbatojnë ligjin. Nuk ka njeri që vlerëson më shumë guximin e tyre. Por çfarë shoh unë? Pse e them këtë? E them se njëri i arreston Bajrët në Shkodër dhe bravo i qoftë. Ishte prokuror. I arreston dhe i sjell në Tiranë. Dhe SKAP thotë se këta nuk janë organizatë. Tallen me Shqipërinë, tallen me ligjin, tallen me çdo gjë. Marrin nën hetim Nuredin Dumanin dhe del çdo gjë sikur po vjen këtu para jush jo si në një hetim të mbyllur, duke dëmtuar çdo gjë. Pra, këto janë. Nuk ka diskutim. Unë nuk dua t’i mohoj kurrë një njeriu, asnjë kontribut, asnjë zbatim ligji. Por këta funksionojnë si organizatë kriminale”, – tha Berisha.

Edhe më herët Berisha ka ngritur akuza ndaj prokurores Millonai duke thënë se ajo mbron si vëllain e saj biologjik Taulant Ballën. Prokurorja Enkeleda Millonai, po heton Sali Berishën dhe dhëndrin e tij Jamarbër Malltezi për aferën e privatizimit të ish-kompleksit sportiv "Partizani". Malltezi ndodhet në masën e sigurisë arrest me burg dhe po hetohet për këtë dosje./CNA

 





Lajmet e fundit nga