E fundit!

15:38 Aktualitet

Goditi protestuesin në Zvërnec/ Ndryshon masa e sigurisë për një nga punonjësit e sigurisë së kantierit

Gjykata e Apelit ka ndryshuar masën e sigurisë për një ng...

Komisionet hetimore/ Oerd Bylykbashi: Përcaktohet në Kushtetutë

17 Nëntor 2023, 14:56, Politikë CNA

Komisionet hetimore/ Oerd Bylykbashi: Përcaktohet në Kushtetutë

Oerd Bylykbashki

Nënkryetari i Partisë Demokratike, Oerd Bylykbashi, ka deklaruar sot se për kërkesat e opozitës, kushtetuta e përcakton qartë se mjafton që një e katërta e deputetëve të kërkojnë ngritjen e një komisioni hetimor dhe ky i fundit të nisë punimet.

“Neni 77, pika 2, i Kushtetutës përcakton fare qartë e pa asnjë ekuivok se: 'Kuvendi me kërkesë të një të katërtës së të gjithë anëtarëve të tij, është i detyruar të caktojë komision hetimi për të shqyrtuar një çështje të veçantë'. Partia Demokratike ka kërkuar hetimin e: Investimeve strategjike, çështjes 'McGonigal', grabitjes së Portit të Durrësit, udhëtimeve me charter të kryeministrit, skandalit të vjedhjes së të dhënave të TIMS, kontratave koncensionare në Shëndetësi, vendimmarrjeve në konflikt interesi. Të gjitha kërkesat janë rrëzuar me urdhër të Edi Ramës, Rama në fillim tha se nuk i ngre komisionet sepse ka firmosur Sali Berisha. Kjo nuk piu ujë, më pas pretendoi se Gjykata Kushtetuese ka marrë vendim që detyron ndryshimin e ligjit. Por nuk ka asnjë vendim të tillë dhe ligji është plotësisht në fuqi.” -theksoi Bylykbashki.

Po ashtu Bylykbashki akuzoi Ramën se ky i fundit ka marrë rolin e gjykatësit dhe nuk lejon ngritjen e komisioneve, ndërsa gjykata ka shkelur të drejtën kushtetuese.

“Gjykata përcakton se mazhoranca është e detyruar të dakordësohet me pakicën e cilësuar kushtetuese prej 35 deputetësh për objektin, kundërshtitë për cenim të parimeve kushtetuese duhet t’i bëjë të qarta në përpjekjen për gjetje të dakordësisë për objektin e hetimit, por në asnjë rast duke e zvogëluar, tretur apo zgjeruar më shumë objektin sesa është kërkuar nga 35 deputetët.

Kushtetuta kërkon hetim të veçantë. Por, citoj vendimin nr. 30 të vitit 2014, “Gjykata ka vlerësuar se është kompetencë e Kuvendit, në rastin konkret e pakicës parlamentare, të vlerësojë interesin publik për çështjet që kërkon të hetohen”, – thotë Bylykbashi.

Bylykbashi tha se komisionet synojnë që të zbulojnë kuadrin e plotë të këtyre skandaleve korruptive në mënyrë që t’i bllokohet rruga në të ardhmen./CNA