web counter
LEXO PA REKLAMA!

SHKARKO APP

App Store
Google Play

E fundit!

x

Dosja "Partizani"/ Sot seanca në Apelin e GJKKO-së për Berishën, ish-kryeministri duhet të paraqitet në SPAK

20 Nëntor 2023, 07:46, Politikë CNA
Dosja "Partizani"/ Sot seanca në Apelin e GJKKO-së për
Ish-kryeministri Sali Berisha

Këtë të hënë në orën 09:00 është caktuar seanca gjyqësore në Apelin e GJKKO për ish-kryeministrin Sali Berisha, lidhur me privatizimin e ish-kompleksit "Partizani".

Apeli i GJKKO-së pritet të vendosë për Berishën, pas ankimimit të masës së sigurisë "detyrim paraqitje".

Gjithashtu, në orën 10:00 të kësaj të hëne, ish-kryeministri do të duhet të paraqitet sipas urdhëresës, në SPAK.

Por Berisha ka deklaruar se nuk do të shkojë në SPAK, pasi e cilëson procedurën e ndjekur ndaj tij si antikushtetuese.

Më herët Gjykata e Posaçme i ka dërguar zyrtarisht një shkresë Kuvendit ku e vë në dijeni që do të merret në pyetje Berisha për çështjen e ish-kompleksit "Partizani".

Gjykata e Posaçme ka vendosur masën detyrim paraqitje për ish-kryeministrin për privatizimin e ish-kompleksit "Partizani", pasi akuzohet për korrupsion pasiv.

Kryedemokrati do të duhet të paraqitet 2 herë në muaj në BKH, por deri më tani nuk ka shkuar asnjëherë.

Për këtë dosje nën hetim, e cila është në duart e SPAK-ut, është arrestuar edhe dhëndri i tij, Jamarbër Malltezi, mbi të cilin rëndon akuza korrupsion aktiv. 

Masën "detyrim paraqitje" gjykata e ka dhënë edhe për ndërtuesin Fatmir Bektashi./ CNA





Lajmet e fundit nga