LEXO PA REKLAMA!

SHKARKO APP

"Po shkërmoqeni copa-copa", Rama i përgjigjet opozitës: Keni prekur fundin, po mbillni dhunë dhe sherr

20 Nëntor 2023, 11:56, Politikë CNA

"Po shkërmoqeni copa-copa", Rama i përgjigjet opozitës:

Kryeministri Edi Rama i është përgjigjur opozitës nëpërmjet një postimi në "X" se tashmë kanë prekur fundin dhe se po shkërmoqen dhe po bëhen copa copa. 

Kreu i qeverisë thekson në postimin në rrjetet sociale se opozita po mbjell vetëm sherr dhe rrëmujë, duke i qartë hallin Sali Berishës, i cili është tashmë nën hetim nga autoritetet. 

"I futën fjalorin e sjelljet e rrugës në politikë, ndërsa politikën e hodhën në mes të katër rrugëve, duke mbjellë sherr, rrëmujë, dhunë dhe korrur hunbje, humbje, humbje… Tanimë kanë prekur fundin, ku i ka marrë me vete halli i një të kërkuari nga drejtësia, që nuk do t’i lëshojë derisa të shkërmoqen e të ridalin copa e çika mbi ujë, si mbeturinat e një anijeje të mbytur", shprehet Rama. 

Në seancën e sotme të Kuvendit, deputetët opozitës, me në krye Sali Berishën hodhën akuza ndaj qeverisë Rama, madje kundërshtuan edhe votimin e ligjit për buxhetin në parim.

Në seancën e sotme deputetët opozitarë hodhën flakadanë dhe përmbysen karriget, duke akuzuar qeverinë për shkelje të Kushtetutës.

Në seancë ishin të pranishëm edhe punonjësit e Gardës, të cilët nuk lejuan deputetët e opozitës që të afrohen te karriget e ministrave dhe kryeministrit./CNA

 

Lajmet e fundit nga