web counter
LEXO PA REKLAMA!

SHKARKO APP

App Store
Google Play

E fundit!

x

Përplasjet me Greqinë për "Beleri-n", Rama: Situatë serioze nëse qëndron bllokimi

20 Nëntor 2023, 11:58, Aktualitet CNA
Përplasjet me Greqinë për "Beleri-n", Rama:
Foto ilustruese

Kryeministri i Shqipërisë Edi Rama në një intervistë për televizionin publik francez, "FRANCE24", ka thënë se nuk beson që Shqipëria do të pengohet nga Greqia në procesin e integrimit pasi mes dy vendeve ka një marrëdhënie strategjike, dhe nëse kjo ndodh atëherë çështja do të ishte serioze. Duke iu referuar çështjes "Beleri", Rama tha se ai ishte kandidat shqiptar me origjinë greke e njësoj ishte edhe kundërshtari i tij në këto zgjedhje.

“Unë nuk dua ti futem kësaj polemike. Sinqerisht nuk besoj se ky bllokim do të qëndrojë, sepse do të ishte serioze. Nga ana tjetër është vetëm çështje e drejtësisë. Me Athinën kemi marrëdhënie strategjike dhe nga ana tjetër, kur flisni për minoritet grek, dua të saktësoj sikurse e thatë, kandidati ishte shqiptar me origjinë greke, edhe kundërshtari i tij në zgjedhje ishte po ashtu shqiptar me origjinë greke. Atëherë s’mund të jetë një çështje minoriteti grek kjo, – tha Rama.

Më herët gjatë javës së kaluar, "Euroactiv" raportoi se pas problemeve me çështjen "Beleri", Greqia nuk ka firmosur letrën e 27 vendeve anëtare drejtuar Komisionit të BE-së për hapjen e pesë kapitujve të parë të procesit të anëtarësimit.

"Euractiv" theksonte se Athina po i bën presion Tiranës mbi disa çështje në lidhje me shtetin e së drejtës, siç është rasti i Belerit dhe zbatimi i disa ligjeve që lidhen me minoritetin grek në Shqipëri, si të drejtat e pronësisë./CNA

 





Lajmet e fundit nga