web counter
LEXO PA REKLAMA!

SHKARKO APP

App Store
Google Play

Ndërpritet seanca ndaj Berishës në GJKKO, avokati: Nuk ka vepër penale, masat antikushtetuese

20 Nëntor 2023, 11:29, Aktualitet CNA
Ndërpritet seanca ndaj Berishës në GJKKO, avokati: Nuk ka
Genc Gjokutaj, avokat i Berishës

Nën argumentin se masat e ndërmarra ndaj Berishës janë antikushtetuese pasi SPAK ka anashkaluar Kuvendin për të marrë leje për masën ndaj ish-kryeministrit, teksa ky i fundit është deputet dhe gëzon imunitet, avokati i Berishës, Genc Gjokutaj ka kërkuar heqjen e masës së sigurisë ndaj Berishës.

Gazetarja Klodiana Lala ka deklaruar se pas ngritjes së pretendimeve nga ana e avokatit, seanca është ndërprerë.

Për afro dy orë avokati i Sali Berishës Genci Gjokuataj ka renditur të gjitha argumentet ligjore në Apelin e GJKKO, duke pretenduar që masat ndaj ish-kryeministrit duhet të hiqen dhe se janë antikushtetuese.

Gjokutaj ka thënë se nuk ka vepër penale dhe se nuk ka shkak që ai të mbahet një masë ndaluese si dhe nuk ekziston rreziku që ai të dalë jashtë vendit.

Gjykata ka vendosur që ta shkëpusë seancën për pak minuta, ndërsa pritet që rinisë sërish.

Më herët GJKKO ka vendosur masën detyrim paraqitje për ish-kryeministrin për privatizimin e ish-kompleksit "Partizani", pasi akuzohet për korrupsion pasiv dhe ish-kryeministri sipas kësaj mase duhet të paraqitej 2 herë në muaj në BKH.

Edhe ndërtuesi Fatmir Bektashi ka shkuar sërish në SPAK këtë të hënë./CNA

 





Lajmet e fundit nga