web counter
LEXO PA REKLAMA!

SHKARKO APP

App Store
Google Play

Koncesioni i sterilizimit, GJKKO merr sot në pyetje ish-ministrin Ilir Beqaj

20 Nëntor 2023, 08:29, Aktualitet CNA
Koncesioni i sterilizimit, GJKKO merr sot në pyetje ish-ministrin Ilir
Ilir Beqaj

Sot në orën 12:00 është caktuar seanca e marrjes në pyetje ndaj ish-ministrit të Shëndetësisë Ilir Beqaj. Gjykata e Posaçme kundër Korrupsionit dhe Krimit të Organizuar (GJKKO) do të mbajë këtë të hënë seancën për marrjen në pyetje të ish-ministrit të Shëndetësisë.

Ilir Beqaj, akuzohet për shpërdorim detyre nga SPAK në lidhje me hetimet që janë kryer për koncesionin e sterilizimit të instrumenteve mjekësore.

Të shtunën ndaj Beqajt u caktua masë paraqitje pranë oficerit të policisë gjyqësore çdo të premte, ndërsa po ashtu u urdhërua që të mos dalë jashtë vendit pa një autorizim nga gjykata.

Për të njëjtën çështje, koncensionin e sterilizimit, janë arrestuar ish -zv ministri i Shëndetësisë Klodjan Rrjepaj dhe biznesmeni Ilir Rrapaj. Ata janë nën hetim për shpërdorim detyre e falsifikim dokumentesh. Të dy ndodhen në qeli ndërsa gjykata u ka rrëzuar kërkesën për liri.

Më herët, në gusht të këtij viti, Gjykata e Posaçme i kërkoi prokurorisë të shtrinte hetimet edhe mbi përgjegjësinë e gjashtë personave të tjerë, përfshirë ish-ministrin e Shëndetësisë, Ilir Beqaj./CNA

 





Lajmet e fundit nga