Amnistia/ Ilir Beqaj, sterilizoi dhe SPAK-un!

18 Nëntor 2023, 20:14, Aktualitet CNA

Kreu i FRPD-së, Besart Xhaferri e ka cilësuar si amnisti masën e sigurisë “detyrim paraqitje” dhe “ndalimin e daljes jashtë territorit të Shqipërisë” për ish-ministrin e Shëndetësisë, Ilir Beqaj.

Xhaferri thotë se SPAK nuk ka ndjekur një standard në hetimin dhe gjykimin e aferave më të mëdha në vend, siç është ajo e sterilizimit dhe e inceneratorëve.

Ai deklaron në rrjetet sociale se me Ilir Beqajn është ndjekur tjetër standard dhe me ish-zv.kryeministrin Arben Ahmetaj tjetër standard.

Kreu i të rinjve demokratë thekson se nëse kjo dosje nuk finalizohet me dënimin me burgim të Ilir Beqajt, drejtësia e re është e sterilizuar dhe shqiptarët duhet të marrin në dorë fatet e tyre!

Suksese në jetë SPAK për Ilir Beqajn
18 Nëntor, 20:05

Reagimi i plotë:

Amnistia/ Ilir Beqaj, sterilizoi dhe SPAK-un!

SPAK ka vendosur të amnistojë ish ministrin e Shëndetësisë Ilir Beqaj, i cili do të hetohet nën masën e sigurisë detyrim me paraqitje dhe ndalim të udhëtimit jashtë në lidhje me dosjen e 'Koncesionit të Sterilizimit".

Ky koncension dhjetë vjeçar do t'u kushtojë shqiptarëve plot 100 milionë euro, teksa hetimet faktuan se Ilir Beqja, e projektoi këtë tender që t'a fitonte miku i tij, biznesmeni i ndërtimit në Itali Ilir Rrapaj, me një kompani me zero eksperiencë në këtë fushë.

Për nga shkeljet tenderi i sterilizimit është i ngjashëm me tenderat e inceneratorëve, ku ministrat e Ramës përdorën autoritetin e tyre, që përmes VKM-ve, propozimeve dhe ligjeve këto tendera të ishin kostume të qepura për individë të caktuar.

Humb jetën emigranti i paligjshëm shqiptar në Angli/ Tentoi të vriste veten një javë më parë
18 Nëntor, 18:22

Pasi ish ministri Beqaj dhe biznesmeni Rrapaj nënshkruan kontratën e koncensionit 10 vjeçar për afro 100 milionë dollarë në dhjetor 2015, sipas SPAK ata kanë kryer një varg fluturimesh ajrore drejt Italisë të shoqëruar nga ish zëvendësministri Klodian Rrjepaj së bashku me administratorë të kompanisë fituese në vitet 2016 dhe 2017.

Tjetër standard ndoqi SPAK në raport me Ilir Beqajn dhe tjetër standard zgjodhi të ndiqte SPAK me Arben Ahmetajn.

Koncensionet në shëndetësi kanë kryer gjenocid mbi taksat e buxhetit të shtetit dhe mbi të gjitha kanë kryer gjenocid në raport me jetët e shqiptarëve, që kanë humbur jetën në dyert e spitaleve për shkak të mungesës së mjekëve dhe mungesës së aparaturave, apo mungesës së subvencionimit për kurimet jashtë vendit.

Nëse kjo dosje nuk finalizohet me dënimin me burgim të Ilir Beqajt, drejtësia e re është e sterilizuar dhe shqiptarët duhet të marrin në dorë fatet e tyre!/ CNA