web counter
LEXO PA REKLAMA!

SHKARKO APP

App Store
Google Play

E fundit!

x

Kuvendi i PD-së dhe protestat/ Berisha paralajmëron uragan

18 Nëntor 2023, 12:21, Aktualitet CNA
Kuvendi i PD-së dhe protestat/ Berisha paralajmëron uragan
Ish-kryeministri Sali Berisha

Në datën 2 dhjetor të 2023 do të mbahet Kuvendi i PD-së ku dhe do të votëbesohet ish-kryeministri Sali Berisha.

Në lidhje me mbledhjen e Kuvendit, ish-kryeministri Sali Berisha ka folur ditën e sotme ku është shprehur se synon të përmbysë diktaturën e kryeministrit Edi Rama.

“Kuvendin kombëtar i PD ka qëllim kryesor të përpunojë platformën opozita në aksion.

Kuvendi është për një plan veprimi kundër kësaj diktature deri në përmbysjen e saj. Kuvendi synon të ndërgjegjësojë shoqërinë shqiptare me mesazhet e tij për diktaturën e Ramës”, tha Berisha.

Sa i përket protestës, Berisha paralajmëroi një urgan që asnjë diktaturë nuk do të mund t’i bëjë ballë.

“Do arrijmë një uragan që nuk ka diktaturë dhe që askush nuk mund ta përballojë. Secili opozitar duhet të betohet për vendosmërinë e tij pa kthim kundër diktaturës. Në 91 përmbysëm një diktaturë se qëndruam në një betejë pa kthim arritëm të bashkojmë të rinj, të reja, të moshuar, burra, gra kjo po ndodh dhe tani, do qëndrojnë të pamposhtur”, u shpreh Berisha./ CNA





Lajmet e fundit nga