web counter
LEXO PA REKLAMA!

SHKARKO APP

App Store
Google Play

E fundit!

x

Më shumë vajza e gra në STEM!

17 Nëntor 2023, 22:37, Aktualitet CNA

Më shumë vajza e gra në STEM!

Në kuadër të Javës së Sipërmarrjes, organizuar nga Ministria e Shtetit për Sipërmarrjen dhe Klimën e Biznesit nga datat 13-19 nëntor, Vodafone Albania në bashkëpunim me Ministrinë e Shtetit për Rininë dhe Fëmijët mblodhën në eventin “Vajzat dhe Gratë në STEM”, një takim frymëzues dhe i ngrohtë, aktorë, partnerë e përfaqësues nga bota e teknologjisë, ku u diskutua për situatën e vajzave e grave në vendin tonë, i cili është orientuar prej vitesh drejt digjitalizimit të çdo fushe të jetës.

Më shumë vajza e gra në STEM!

Vodafone Albania, si lider në inovacion dhe IoT ka në fokus të gjithë të rinjtë, të cilët po i mbështet me një program strategjik 3-vjeçar që konsiston në trajnime në qindra shkolla 9-vjeçare publike. Në këtë program, Vodafone iu kushton një rëndësi të veçantë vajzave, të cilat po duket shumë të interesuara e të talentuara në këto dy vite të zbatimit të programit STEM.

Më shumë vajza e gra në STEM!

“Jemi rritur me modelet e burrave në teknologji, si Stiv Xhobs, Bill Gejts, etj., ndërkohë që sot emri më i lakuar në botë në fushën e teknologjisë është një vajzë, e cila për më tepër është edhe shqiptare, Mira Murati. Po në Shqipëri, në ç’pikë jemi? A kemi ekosistemin, kushtet dhe mbështetjen e duhur, që vajzat dhe gratë në STEM të lulëzojnë?”, u shpreh Jonida Lakuriqi, Drejtore e Departamentit Ligjor, Politikave Publike dhe Marrëdhënieve me Jashtë në Vodafone Albania, si dhe kryetare e Bordit të Fondacionit Vodafone Albania.

Më shumë vajza e gra në STEM!

E pranishme në këtë takim, ministrja e Shtetit për Rininë dhe Fëmijët, Bora Muzhaqi, foli për vullnetin e Shqipërisë për të përqafuar teknologjinë që në moshë të hershme. “Ne jemi ndër të parët në Evropë e rajon që kemi futur kodimin që në klasë të parë. Dhe në fillim të gjithë ishin skeptikë, por programi po duket se po funksionon shumë mirë dhe qëllimi i tij është të mësojë fëmijët me konceptin e të menduarit dhe perceptimit logjik”, u shpreh Muzhaqi.

Më shumë vajza e gra në STEM!

Në këtë takim, për të kuptuar se vajzat e gratë jo vetëm ia dalin në STEM, por edhe shkëlqejnë, ishin të ftuara edhe personalitete të fushës, si Rudina Osmanaj, fizikane, kërkuese shkencore në Kromodinamikë Kuantike Rrjetore apo Olta Mino, Menaxhere e Sektorit “Faturimi dhe Angazhimi i Biznesit” në Vodafone Albania. Ndërkohë, gazetarja Mira Kazhani foli për transformimet që ka sjellë në media zhvillimi galopant i teknologjisë vitet e fundit.

Ndërkohë që më shumë vajza dhe gra duhet të përfshihen në STEM në Shqipëri, ato që tashmë janë pjesë e këtij ekosistemi kanë bërë e po bëjnë gjëra fantastike, nga të cilat përfiton e gjithë shoqëria. Dhe Vodafone Albania, si lider në teknologji e inovacion, do të jetë gjithmonë aty për të mbështetur agjendën digjitale të Shqipërisë si edhe talentet në STEM, përfshirë vajzat dhe gratë.

Më shumë vajza e gra në STEM!





Lajmet e fundit nga