web counter
LEXO PA REKLAMA!

SHKARKO APP

App Store
Google Play

E fundit!

x

21 janari/ Manja: Strasburgu foli, dosja mbetet ende e hapur

17 Nëntor 2023, 13:00, Aktualitet CNA
21 janari/ Manja: Strasburgu foli, dosja mbetet ende e hapur
Ministri i Drejtësisë Ulsi Manja

Ministri i Drejtësisë, Ulsi Manja, ka reaguar pas vendimit të Gjykatës së Strasburgut për vendimin e 21 janarit duke e cilësuar si një kapitull ende të hapur këtë çështje.

Manja në një deklaratë për mediat tha se autoritetet shqiptare të drejtësisë duhet të dalin me një përgjigje për rastin e “21 janarit” pasi Gjykata Evropiane e të Drejtave të Njeriut e ka thënë qartë se 21 janari është një krim shtetëror që duhet hetuar.

“Më duhet të them që vendimi i Strasburgut, edhe pse i vonuar, pas 12 vitesh, është një vendim i mirë, konfirmoi qëndrimet tona me 21 janarin, është konsideruar shkelje e nenit 2 të konventës. Autoritetet kanë detyrimin për të respektuar vendimin e Strasburgut. 21 janari është kapitull i hapur, duhet të ketë përgjigje të qartë të autoriteteve shqiptare për 21 janarin. Strasburgu ka thënë se 21 janari nuk është hetuar në gjithë dimensionin si krim shtetëror”, tha Manja.

Gjykata e Strasburgut në vendimin për Aleks Nikën, theksonte se ka dy shkelje në këtë çështje: Vrasja dhe më pas moszbardhja e vrasjes! Në vendimin e kësaj gjykate theksohet se shteti ka përgjegjësi për vrasjen e Aleks Nikës, ndërsa fajtori duhet të dënohet. Nga protesta e 21 janarit 2011 mbetën të vrarë Ziber Veizi, Hekuran Deda Faik Myrtaj dhe Aleks Nikaj, ndërsa u plagosën edhe 6 protestues të tjerë./CNA

 





Lajmet e fundit nga