web counter
LEXO PA REKLAMA!

SHKARKO APP

App Store
Google Play

E fundit!

x

17 nëntori, Çlirimi i Tiranës/ Festë e nderim ndaj luftëtarëve

17 Nëntor 2023, 11:34, Aktualitet CNA
17 nëntori, Çlirimi i Tiranës/ Festë e nderim ndaj
Çlirimi i Tiranës

Pas 19 ditë-netësh luftime të ashpra e të prandërprera, më 17 nëntor 1944, forcat e fundit gjermane u tërhoqën nga Tirana duke shënuar kështu çlirimin e kryeqytetit të Shqipërisë.

Operacioni mësymës për çlirimin e kryeqytetit u përgatit dhe u zhvillua në kuadrin e mësymjes së përgjithshme të Ushtrisë Nacional Çlirimtare Shqiptare për çlirimin e plotë të Shqipërisë.

Forcat e Brigadave të UNÇSH që luftonin në kryeqytet i vazhduan pandërprerë sulmet e tyre për asgjësimin e gjermanëve dhe në mëngjesin e 16 nëntorit u hodhën në sulmin përfundimtar për çlirimin e Tiranës.

Vit pas viti kjo ditë përkujtohet me aktivitete të shumta në nder të atyre që luftuan e dhanë jetën për çlirimin e Tiranës.

Lufta për çlirimin e kryeqytetit kishte karakterin e luftës së vërtetë ballore, ku u dukën qartë shkalla e organizimit të UNÇSH-së.

Në luftën për çlirimin e Tiranës, një kontribut të çmueshëm dha populli i kryeqytetit, i cili i mbështeti fuqimisht të gjitha luftimet që u zhvilluan nëpër lagjet dhe rrugët e tij.

Menjëherë pas çlirimit të Tiranës, më 17 nëntor 1944, me urdhër të Qeverisë së Përkohshme Antifashiste, e cila ato ditë ndodhej në Berat, një repart i ushtrisë partizane mori në ruajtje godinën qendrore të Bankës Kombëtare të Shqipërisë në Tiranë.

Reparti partizan mori në ruajtje edhe pasurinë e saj monetare, administrative dhe arkivore. Më 15 dhjetor 1944, disa ditë pasi organet e larta të shtetit qenë vendosur në Tiranën e çliruar, me vendim të Këshillit të Përgjithshëm Antifashist Nacional-Çlirimtar, u ndalua dalja jashtë Shqipërisë e arit, argjendit, platinit dhe gurëve të çmuar./CNA





Lajmet e fundit nga