Bushati “përplaset” me Artan Hoxhën/ "Nuk më rruhet për Belerin, Rama po shkallmon çdo institucion"

16 Nëntor 2023, 22:56, Aktualitet CNA

Bushati “përplaset” me Artan Hoxhën/ "Nuk më

Analisti Andi Bushati

Gazetari Artan Hoxha ka debatuar me tone të ashpra me analistin Andi Bushati, teksa kanë diskutuar për kryebashkiakun e zgjedhur të Himarës, Fredi Belerin, i cili ndodhet në burg.

Hoxha tha se Beleri duhet të dënohet, pasi ka kryer një sërë krimesh, ndërsa u kundërshtua nga Bushati.

Analisti deklaroi në emisionin e Ylli Rakipit dse nuk I intereson aspak për Fredi Belerin, por ajo që i intereson është shkatërrimi i institucioneve për egon e kryeministrit Edi Rama.

Pjesë nga debati:

Hoxha: Beleri është i zhytur deri në fyt me anti-shqiptarizma. Është dënuar me vendim gjykate të formës së prerë, që ka dhunuar dhe djegur simbolet shqiptare, ka bërë thirrje anti-kombëtare. Ësthë dënuar dhe i është shmangur dënimit. Të ngresh mal me shkelje të drejtash për Belerin, të ka rënë kalaja.
Fredi Beleri, por dhe perëndia nuk e pengon dot Edi Ramën dhe oligakët të vjedhin toka në jug. Jo Beleri, por as dreqi me të birin. Çfarë ka në dorë një kryetar bashkie? Si mund ta pengojë Beleri? Ma thoni dot çfarë mund të bëjë ai, do të marrë pushkën? Në rastin konkret, për inat të vjehrrës të fle me mullixhiun, nuk bëhet. E dimë çfarë ka bërë Mitsotaqis, Beleri, Agimi i Artë. Edi Rama në këtë moment po fërkon duart. Po merr epitetin si patriot dhe nacionalist, që e ka zero këtë. Së dyti, po gjen justifikim ekselent që ne i kemi bërë përpjekjet për në BE por na doli Greqia që na pengon.

Bushati: Që Beleri të rrijë në burg, se dikur ka bërë krim në Peshkëpi apo ka shkelur flamurin, është gjëja më e rrezikshme që kam dëgjuar. Me logjikën që sapo dëgjova nga Tani, unë duhet të dal në studio dhe të mbrojë që duhet bërë procedurë e rregullt për Berishën? Kë atë të 21 janarit? Po futeni edhe për Partizanin. Po pse për Like floririn? Po futeni ore brenda atë. Kjo ndodhi, a duam të hapin proces sërish për Peshkëpinë? Të bëjnë çfarë të duan. Kemi një njeri që policia e ka paguar për shtatë raste të tjera, futjesh kriminelësh në burg dhe e përdori për rastin e tetë. Ne kemi shkallmuar çdo ligj dhe institucion sepse ka njerëz që duan të dalin dhe të bëjnë striptizëm me flamur kombëtar. Këto patriotizma…

Hoxha: Pse po doli Beleri dhe të bëjë betimin nesër, vendoset demokracia? E gjen gjë Edi Ramën?

Bushati: Nuk më rruhet fare për Belerin, por më rruhet që kemi një njeri, që për egon e tij shkallmon çdo institucion të këtij vendi.

Hoxha: I shton hallet këtij vendi.

Bushati: Hallet e këtij vendi nuk rregullohen me padrejtësi./ CNA