web counter
LEXO PA REKLAMA!

SHKARKO APP

App Store
Google Play

E fundit!

x

Buxheti 2024/ Koçiu: 30 miliardë lekë për qytetarët dhe familjet në nevojë

16 Nëntor 2023, 15:19, Aktualitet CNA
Buxheti 2024/ Koçiu: 30 miliardë lekë për qytetarët
Ministrja Albana Koçiu në aktivitet

Rreth 30 miliardë lekë nga buxheti i 2024 do të shkojnë në mbështetje të qytetarëve dhe familjeve në nevojë. Kështu është shprehur sot ministrja e Shëndetësisë Albana Koçiu teksa merrte pjesë në përurimin e Qendrës “Fuqizojmë Komunitetin” në Durrës. Ministrja sqaroi se fondi I buxhetit do të shkojë për personat me aftësi ndryshe, viktimat e dhunës në familje si dhe fëmijët e familjeve në nevojë.

“Në kuadër të reformës së deinstitucionalizimit, prioritet janë programet e fuqizimit ekonomik dhe social të familjeve dhe të fëmijëve dhe këto programe po pilotohen aktualisht në dy bashki të vendit, në Korçë dhe në Vlorë, ku kanë përfituar 112 familje, për të parandaluar vendosjen e fëmijëve në qendra rezidenciale. Forcimi i mekanizmave institucionalë si Mekanizmi i Koordinuar i Referimit të rasteve të dhunës (MKR) apo Njësitë e Mbrojtjes së Fëmijës (NjMF) përmes qendrave si Qendra Fuqizojmë Komunitetin do të jenë një qasje e duhur që MSHMS do të sjellë në vëmendje të organeve të vetëqeverisjes vendore, për të parandaluar dhe menaxhuar rastet për të cilat këto mekanizma janë ngritur”, – tha ministrja.

Duke iu referuar qendrës “Fuqizojmë Komunitetin”, ministrja tha se kjo qendër vjen sot pas hartimit të planeve sociale në të 61 bashkitë e vendit, çka solli dhe një identifikim më të mirë të shërbimeve sociale të nevojave për shërbime të integruara, si dhe të një planifikim më real për shërbimet komunitare.

“Ky është një udhërrëfyes që ne po e ndjekim hap pas hapi për ta shtrirë në të gjithë Shqipërinë. Nëpërmjet aplikimit të Fondit Social, një instrument i ri i cili mbështet financiarisht nivelin vendor, është mundësuar gjatë kësaj periudhe ngritja e modeleve të reja të shërbimeve në bashki, zgjerimi i hartës së shërbimeve me 54 shërbime të reja, si dhe fuqizimi i shërbimeve ekzistuese, të cilat ofrohen nga organizatat e shoqërisë civile, shoqëruar me rishikimin e duhur të  standardeve të ofruara, në një linjë me standardet e BE-së. Forcimi i mekanizmave institucionalë si Mekanizmi i Koordinuar i Referimit të rasteve të dhunës (MKR). Sot në Shqipëri janë aktive 391 qendra të cilat ofrojnë shërbime të përkujdesit shoqëror dhe që sigurojnë afro 1,147 shërbime të përkujdesit shoqëror me një numër përafërsisht përfituesish 36,642 përfitues të cilët marrin shërbime të nevojshme pranë këtyre qendrave”, - u shpreh ministrja.

Gjatë aktivitetit, ministrja Koçiu dhe Ambasadorja e SHBA-së në detyrë McKee, së bashku me fëmijët dhe pjesëmarrësit e tjerë, u njohën me programet e ndryshme që ofrohen në këtë qendër, si dhe shërbimet e mbështetjes psiko-sociale, terapia e të folurit dhe fizioterapia. Qendra “Fuqizojmë Komunitetin” në Durrës është një nga tri qendrat e krijuara si pjesë e këtij projekti, i cili synon të ofrojë shërbime sociale thelbësore për komunitetet vulnerabël në të tria zonat e projektit./CNA





Lajmet e fundit nga