LEXO PA REKLAMA!

SHKARKO APP

Vrasja e Santiago Malkos/ GJKKO dënon me 28 vite "boksierin"

16 Nëntor 2023, 13:34, Aktualitet CNA
Vrasja e Santiago Malkos/ GJKKO dënon me 28 vite "boksierin"
Ilir Selmani

Gjykata e Posaçme e ka dënuar me 28 vite burg, Ilir Selmanin, i akuzuar për vrasjen e Santiago Malkos. Vendimi është marrë mesditën e së enjtes për Selmanin, i cili njihet nga të gjithë si "boksieri".

Santiago Malko u vra mbrëmjen e 27 gushtit 2019 me një atentat të stilit mafioz.

I riu u qëllua me armë zjarri, teksa po dilte me makinë nga një lavazh në rrugën "Xhanfize Keko" në zonën e "Xhamllikut", në kryeqytet. 

Në vendin e vrasjes, policia gjeti rreth 10 gëzhoja, ndërsa makina që u përdor nga atentatorët u gjet e djegur në fshatin Ferraj, rreth 6.5 kilometra nga vendngjarja.

Malko ka qenë ish-efektiv i policisë, po vitet e fundit, para se të ekzekutohej, nuk ishte pjesë e uniformave blu./CNA

 

 

Lajmet e fundit nga