web counter
LEXO PA REKLAMA!

SHKARKO APP

App Store
Google Play

E fundit!

x

Soreca, thirrje autoriteteve shqiptare/ “Merreni seriozisht çështjen e fondeve të bujqësisë”

15 Nëntor 2023, 18:49, Aktualitet CNA
Soreca, thirrje autoriteteve shqiptare/ “Merreni seriozisht
Ambasadori i BE-së në ikje, Luigi Soreca

Ambasadori i BE-së në ikje, Luigi Soreca, ka folur këtë të mërkurë në lidhje me çështjen e programit IPARD II, fondet për të cilin u pezulluan nga Komisioni Evropian, pas dyshimeve për korrupsion.

Soreca tha se autoritetet shqiptare duhet ta marrin shumë seriozisht këtë çështje, pasi bëhet fjalë për paratë e taksapaguesve të BE-së.

Ai deklaroi në një intervistë për Zërin e Amerikës se autoriteteve u është kërkuar të marrin masa deri në fund të vitit dhe më pas KE do të vlerësojë cilat do të jenë hapat e ardhshëm.

“Ju e dini që Komisioni Evropian ka marrë një raport nga OLAF, e ka vlerësuar dhe më pas ia ka transmetuar kërkesën e tij autoriteteve shqiptare duke u kërkuar atyre të marrin masa deri në fund të vitit. Mbi këtë bazë, Komisioni Evropian do të vlerësojë se cilat do të jenë hapat e ardhshme. Megjithatë, ndërkohë, për të mbrojtur interesat financiare të Bashkimit Evropian, siç e dini, pagesa e IPARD II dhe rekomandimi për IPARD III janë ndërprerë.

Pse? Sepse po flasim për para të taksapaguesve të BE-së, prandaj duam që kjo çështje të merret shumë seriozisht. Prandaj presim që qeveria shqiptare të veprojë shumë seriozisht për trajtimin e kërkesës së Komisionit, në mënyrë që nëse kjo kërkesë plotësohet, të mund të rinisim këtë program shumë të rëndësishëm që ka prodhuar përfitime konkrete për qytetarët shqiptarë dhe të ndihmojmë një nga fushat më të rëndësishme të ekonomisë së Shqipërisë: bujqësinë.

Ne e dimë sa e rëndësishme është, ndaj synimi përfundimtar është që ta zgjidhim këtë problem në një mënyrë që të plotësojë kërkesën e Komisionit dhe të rinisë programi në dobi të bujqësisë shqiptare”, nënvizoi ambasadori i BE-së në ikje./ CNA





Lajmet e fundit nga