web counter
LEXO PA REKLAMA!

SHKARKO APP

App Store
Google Play

E fundit!

x

Fishekzjarre për Vitin e Ri/ Balla tregon afatet e tregtimit dhe përdorimit të tyre

15 Nëntor 2023, 10:41, Aktualitet CNA
Fishekzjarre për Vitin e Ri/ Balla tregon afatet e tregtimit dhe
Taulant Balla, ministër i Brendshëm

Ministri i Brendshëm, Taulant Balla, gjatë nënshkrimit të udhëzimit të përbashkët për ndalimin e zhurmave në zonat e banuara, theksoi se do të gjobiten qytetarët apo subjektet që shkakojnë zhurma në zonat urbane. 

Balla nënvizoi se tregtimi i fishekzjarreve lejohet për një afat 15-ditor, për shkak të festave, nga 15 dhjetori deri në 1 janar. Ai saktësoi se përdorimi i i tyre lejohet nga 27 dhjetor deri më 1 janar.

"Në përputhje me këtë udhëzim, Policia e Shtetit është institucioni përgjegjës për marrjen e masave për çdo lloj veprimtarie që shkaktojnë zhurmë. Ne përcaktojmë nivelet kufi të lejuara të zhurmës, që duhet të respektohen nga të gjithë qytetarët dhe subjektet ekonomike. Praktika e hedhjes se fishekzjarreve në orët e vona të natës, duke prishur qetësinë e natës, Policia e Shtetit bashkë me Policinë Bashkiake do ushtrojnë kontrolle për çdo burim të zhurmës. Do të ndëshkojnë me gjobë këdo, qoftë operatorët privatë ekonomikë që shkelin masat. Krahas dënimit me gjobë, mund të vendoset edhe mbyllja e veprimtarisë sipas ligjit, e përkohshme, ose gjithmonë. Ligji është shumë i qartë, ka përcaktuar një afat vetëm 15-ditor për tregtimin e fishekzjarreve nga 15 dhjetori deri në 1 janar. Përdorimi i i tyre lejohet nga 27 dhjetor deri më 1 janar", u shpreh Balla./CNA

 





Lajmet e fundit nga