web counter
LEXO PA REKLAMA!

SHKARKO APP

App Store
Google Play

Morën ryshfet për dhënien e Metadonit/ Arrestohen mjeku dhe infermieri në Fier

15 Nëntor 2023, 16:10, Aktualitet CNA
Morën ryshfet për dhënien e Metadonit/ Arrestohen mjeku dhe
Mjeku i arrestuar

Një mjek dhe një infermier në Fier kanë rënë në prangat e policisë pasi u zbulua se ato morën nga 2000 lekë ryshfet, për t’i dhënë Metadon, një shtetasi, në kundërshtim me ligjin/rregullat për tregtimin e këtij medikamenti.

Ngjarja në fjalë u bë publike në një emision investigativ "Stop", të 2 rasteve të dhënies së medikamentit Metadon, në kundërshtim me ligjin dhe me rregullat për përdorimin e tij, nga 2 punonjës të institucioneve spitalore në qark, me qëllim përfitimin e shumave të parave (2000 lekë secili).

Në përfundim të këtyre veprimeve, u vunë në pranga, për veprat penale "Korrupsion pasiv i personave që ushtrojnë funksione publike” dhe “Shpërdorimi i detyrës”, shtetasit:

-L. B., 64 vjeç, banues në Fier, me detyrë mjek toksikolog, në spitalin rajonal të Fierit;

-E. M., 36 vjeç, banues në Fier, me profesion infermier në njësinë vendore për kujdesin shëndetësor.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme./ CNA





Lajmet e fundit nga