web counter
LEXO PA REKLAMA!

SHKARKO APP

App Store
Google Play

E fundit!

x

Skandali me fondet e IPARD-it/ Nisma ‘Thurje’ kallëzim ndaj ish-ministres së Bujqësisë  

12 Shtator 2023, 12:24, Aktualitet CNA

Skandali me fondet e IPARD-it/ Nisma ‘Thurje’ kallëzim ndaj

Nisma "Thurje" ka denoncuar sot në SPAK ish-ministren e Bujqësisë, Frida Krifca, dhe disa zyrtarë të AZHBR-së për abuzim me fondet e IPARD-it.

Kreu i nismës ‘Thurje’ Endri Shabani u shpreh se përmes kallëzimit të bërë në SPAK kërkohet hetimi i ish-ministres së Bujqësisë dhe të përgjegjësve të tjerë.

Sipas tij nuk mjafton fakti që fermerët janë braktisur, por dhe vidhen fondet e Bashkimit Evropian.

“Do të vazhdojmë të vijojmë kallëzime për 30 vite për ata që vjedhin këtë vend. Sot kemi bërë kallëzim për abuzimet e AZHBR-së, të fondeve të IPARD-it. Kërkojmë hetim të ish-ministres së Bujqësisë dhe të përgjegjësve të tjerë. Ne shpresojmë që kjo të jetë një vijë ndarëse, e pakalueshme për dy arsye. Jemi para dy rasteve, të tradhtisë së fermerëve, pasi ai është i tradhtuar nga qeveria e vet. Fëmijët tanë pinë qumësht nga Serbia dhe hanë domate nga Maqedonia. Po mirë që e kanë lënë fermerin vetëm dhe u heqin aksesin fermerëve nga tregjet, por edhe kur vijnë fonde nga BE-ja, që ta ndihmojnë atë që të punojë më lirë, këto lekë i vjedhin. Vjedhin me një grup oligarkësh, siç kanë bërë 30 vite. Jemi para një vije ku nuk duhet të kalohet, drejt rrugës së BE-së. Ne përjashtohemi nga fondi i ndihmës që jepet nga evropianët”, tha Shabani.

Ndërsa Pano Sako tha se janë denoncuar edhe zyrtarë të tjerë.

“Kemi denoncuar dhe zyrtarët kanë pasur detyrë për të kontrolluar fondet dhe dokumentacionet. Ne kemi marrë të gjitha të dhënat dhe flasim për raste konkrete. Fondet e IPARD-it vijnë për fermerët”, tha Pano Soko./ CNA





Lajmet e fundit nga