web counter
LEXO PA REKLAMA!

SHKARKO APP

App Store
Google Play

E fundit!

x

25 vite nga vrasja e Azem Hajdarit/ Basha: Kontributi i tij në altarin e lirisë do nderohet përherë

12 Shtator 2023, 10:39, Aktualitet CNA

25 vite nga vrasja e Azem Hajdarit/ Basha: Kontributi i tij në altarin e

Lulzim Basha i PD-së së vulës, ka përkujtuar sot Azem Hajdarin në 25-vjetorin e vrasjes së tij.

Përmes një statusi në rrjetet sociale, Basha shkruan se kurajo, antikonformizimi dhe vendosmëria janë testamenti politik i jetës së shkurtër por të pashoq të Azem Hajdarit.

Më tej shkruan se, kontributi i tij në altarin e lirisë dhe demokracisë do të nderohet përherë.

“25 vite më parë u vra pabesisht Azem Hajdari, lideri i Lëvizjes Studentore që me veprën e tij të pavdekshme u bë simboli i vullnetit të shqiptarëve në përballjen me regjimin komunist dhe ngadhnjimin e lirisë mbi diktaturën.

Kurajo, antikonformizimi dhe vendosmëria përkundër fuqive në dukje më të mëdha janë testamenti politik i jetës politike të shkurtër por të pashoq të Azem Hajdarit.

Angazhimi politik për Azem Hajdarin ishte një instrument për ti shërbyer njerëzve dhe jo vetes, për të përmirësuar dhe ndryshuar jetët e shqiptarëve të etur për ndryshim dhe jo për të ringritur sarajet e reja të luksit dhe pushtetit personal mbi muret e vjetra të arrogancës, korrupsionit dhe hipokrizisë së regjimit komunist.

Kontributi i tij në altarin e lirisë dhe demokracisë do të nderohet përherë, si dëshmia më domethënëse e forcës  së një populli të shtypur dhe nëpërkëmbur për të sfiduar frikën dhe apatinë, për të triumfuar mbi të keqen dhe për të ndërtuar përmes lirisë një të ardhme të denjë për çdo shqiptar.

I paharruar kujtimi i tij!”, shkruan Basha./ CNA





Lajmet e fundit nga