web counter
LEXO PA REKLAMA!

SHKARKO APP

App Store
Google Play

E fundit!

x

“Liria kushton”/ Pas 13 vitesh, gazetari largohet nga "ABC", zbulon mosmarrëveshjet

11 Shtator 2023, 13:57, Aktualitet CNA

“Liria kushton”/ Pas 13 vitesh, gazetari largohet nga

Gazetari Ferdinand Dervishi, i cili drejtonte emisionin "Abc story" në televizionin "ABC", ka zbuluar se pas 13 vitesh ka vendosur të "divorcohet" nga ky ekran.

Por ashtu siç tregon gazetari nuk ka qenë një largim i dëshiruar, por i imponuar.

Përmes një statusi në rrjetet sociale, gazetari tregon se mosmarrëveshjet kanë nisur që nga fillimi i këtij viti, ndërsa në korridore dëgjonte shpesh shprehjen "Liria kushton”.

Sipas gazetarit, drejtuesit e rinj e vlerësonin emisionin e tij si “emision luksi”.

"Pas 13 vitesh bashkëpunim impenjativ sot u divorcova zyrtarisht me tv ABC.

Nuk mund t'u rezistoja më tepër ca mosmarrëveshjeve të nisura qysh nga janari i këtij viti edhe pse drejtuesit e rinj e vlerësonin emisionin tim si 'emision luksi'.

Duket dikushëve nuk u pëlqenin opinionet e deklarimet e mia, krejt pa autocensurë, në panele televizive.  Dikushëve, që duke ecur korridoreve të redaksisë, ngrinin zërin kur shqiptonin frazën: 'Liria kushton!'

E pra për mua liria ka qenë e mbetet e panegociueshme!

Respekt për të gjithë shqiptarët që ndiqnin dhe pëlqenin dokumentarët e mi si dhe për ata që vlerësonin opinionet e mia publike!

Me shpresë të ndërveprojmë me ndonjë projekt të ri! Ferdinand Dervishi.

P.S. Në foto duke bërë back up (jo si të sistemit TIMS) të kompjuterit personal, ku strehoheshin më tepër se 300 dokumentarë", shkruan gazetari Ferdinand Dervishi./ CNA





Lajmet e fundit nga